? ദിയ – 1 ? [ ചെകുത്താനെ സ്നേഹിച്ച മാലാഖ ] 720

” ടാ … നാളെ രാവിലെ ഒരു യാത്രയുണ്ട് … ഇത് വലിച്ച് കയറ്റിയാൽ ശരിയാവില്ല , ഡ്രൈവ് ചെയ്യാനുള്ളതാ ….. ഇതടിച്ചാൽ ചിലപ്പോൾ നാളെ തല പൊങ്ങില്ല …. ”

ഞാൻ അവനോട് പറഞ്ഞു …

” നാളെ നീ എവിടേയ്ക്കാ പോകുന്നേ ? ”

അവൻ കാര്യം തിരക്കി .

” എടാ നമ്മുടെ രാഘവേട്ടന്റെ ഇളയ മോന് കോയമ്പത്തൂര് ഒരു എഞ്ചിനീയറിംഗ് കോളേജിൽ അഡ്മിഷൻ കിട്ടി , രാഘവേട്ടന്റെ മോളും ഭർത്താവും താമസിക്കുന്നത് കോയമ്പത്തൂരല്ലേ …. അപ്പൊ പയ്യനെ അങ്ങോട്ട് കെട്ട് കെട്ടിക്കാനുള്ള പുറപ്പാടാ … രാഘവേട്ടന്റെ മോളും ഭർത്താവും ഇപ്പൊ ഇവിടെ ഉണ്ട് . അപ്പൊ പുള്ളി എന്നോട് ചോദിച്ചു അവരെ മൂന്ന് പേരെയും അവിടെ വരെ കൊണ്ടാക്കുമോ എന്ന് , പുള്ളീടെ കാറിൽ . പുള്ളിക്ക് ഈ ലോങ് ഡ്രൈവ് പറ്റില്ലെന്ന് … പിന്നെ രാഘവേട്ടൻ ആദ്യമായി ഒരു ഹെൽപ്പ് ചോദിച്ചതാ എങ്ങനെയാ പറ്റില്ല എന്ന് പറയുന്നത് …. ”

ഞാൻ അവനോട് പറഞ്ഞു.

” ആഹാ അത് ശരി …. അങ്ങനെ യാത്രയുണ്ടെങ്കിൽ നീ കുപ്പീല് തൊട്ട് പോകരുത് , ഈ കോട്ട ഞാൻ നാളെ കാലിയാക്കിക്കോളാം ….. ആ നിന്റെ ഇനിയുള്ള പരുപടി എന്താ , കൃഷിയുമൊക്കെയായി ഈ നാട്ടിൽ ഇങ്ങനെ മുന്നോട്ട് പോകാനാണോ പ്ലാൻ ….. രണ്ട് വർഷം വെറുതേ കളഞ്ഞില്ലേ …. എടാ അന്ന് നിന്റെ സമയം ശരിയല്ല എന്ന് കരുതിയാൽ മതി … അതുകൊണ്ടല്ലേ കയ്യിൽ കിട്ടിയിട്ട് നിനക്ക് അന്നത്തെ അവസ്ഥയിൽ അത് ഉപേക്ഷിക്കേണ്ടി വന്നത് . എടാ നീ ഒന്ന് കൂടെ ശ്രമിക്ക് നിനക്ക് പറ്റും . നിന്റെ ആഗ്രഹമല്ലായിരുന്നോ ആ ജോലി .”

അവൻ എന്നോട് പറഞ്ഞു …