? ദിയ – 1 ? [ ചെകുത്താനെ സ്നേഹിച്ച മാലാഖ ] 720

അപ്പോഴേയ്ക്കും തൊട്ട് മുൻപ് നിലത്ത് വീണവൻ എണീറ്റ് വന്നു …..

” സമയം കളയാനായിട്ട് … നിനക്കൊന്നും കിട്ടിയത് മതിയായില്ലേ …. ഇനിയും വേണോ എന്നാൽ സമയം കളയണ്ട വാ…. ”

ഞാൻ പറഞ്ഞു ….

അവൻ എന്റെ നേരെ ഓടി വന്നതും അവന്റെ കഴുത്തിൽ പിടിച്ച് റോഡിന് അരകെ ഉള്ള മൈൽ കുറ്റിയിൽ കൊണ്ട് ആഞ്ഞടിച്ചു . അവന്റെ തല പൊട്ടി രക്തം വരാൻ തുടങ്ങി , ഉടനെ തന്നെ അവൻ നിലത്തേയ്ക്ക് മറിഞ്ഞ് വീണു ….

പെട്ടെന്ന് നിലത്ത് വീണ് കിടന്ന അവരുടെ നേതാവ് എണീറ്റ് വന്ന് എന്റെ പുറകിൽ ചവിട്ടി , ഞാൻ റോഡിലേയ്ക്ക് മറിഞ്ഞ് വീണു … ഞാൻ വേഗം ചാടിയെണീറ്റ് ഡൈവ് ചെയ്ത് മുൻപിൽ നിന്ന അവന്റെ കഴുത്തിൽ കാലുകൾ ഉപയോഗിച്ച് ലോക്ക് ചെയ്ത ശേഷം കൈപ്പത്തി തറയിൽ കുത്തി കറങ്ങി അവനെ ദൂരേയ്ക്ക് വലിച്ചെറിഞ്ഞു , അവൻ റോഡിൽ തല ചെന്നടിച്ച വീണു , അവനും ബോധം നഷ്ടമായി .

ബാക്കിയായ ഒരുത്തൻ ഇതെല്ലാം കണ്ട് പേടിച്ച് നിൽക്കുകയാണ് ഒന്ന് ഓടാൻ പോലും കഴിയാതെ … ഞാൻ നിലത്ത് കിടന്ന ആ വടിവാള് കയ്യിലെടുത്ത ശേഷം കാറിലേയ്ക്ക് ചാരി നിന്നു …

” നിനക്ക് രണ്ട് മിനിട്ട് സമയം തരാം … ഇവന്മാരെ കാറിൽ കയറ്റി വേഗം സ്ഥലം വിട്ടോ … ഇല്ലെങ്കിൽ …. ”

ഞാൻ ആ വടിവാള് അവന് നേരെ ചൂണ്ടിക്കൊണ്ട് പറഞ്ഞു .

” ശരി …. ശരി ചേട്ടാ …. ”