? ദിയ – 1 ? [ ചെകുത്താനെ സ്നേഹിച്ച മാലാഖ ] 720

ഈ ഇടറോഡ്‌ ചെന്നവസാനിക്കുന്നത് ഹൈവേയിലാണ് …. കാറ് തിരക്കൊഴിഞ്ഞ ആ ഹൈവേയിലേയ്ക്ക് കയറിയതും ഞാൻ അൽപം കൂടി വേഗത കൂട്ടി … ഇടയ്ക്ക് ഞാൻ തിരിഞ്ഞ് നോക്കിയപ്പോൾ നിറഞ്ഞ കണ്ണുകളുമായി മുന്നോട്ട് നോക്കി എന്തോ ആലോചനയിൽ മുഴുകി ഇരിക്കുന്ന ദിയയെയാണ് കണ്ടത് ….

വയറിനുള്ളിൽ നിന്ന് വിശപ്പിന്റെ വിളി വരാൻ തുടങ്ങിയിട്ട് കുറച്ച് സമയമായി … പക്ഷെ സമയം രാത്രിയായി , എന്നാലും ഹൈവേയിൽ ചില തട്ടുകടകൾ രാത്രിയും സജീവമായിരിക്കും . രാത്രി യാത്ര ചെയ്യുന്ന ദൂരയാത്രക്കാർക്കും ചരക്ക് ലോറിയോട്ടിക്കുന്നവർക്കുമായി . ഡ്രൈവിങ്ങിനിടയിൽ ഞാൻ അങ്ങനെയുള്ള തട്ടുകട റോഡ് സൈഡിൽ ഉണ്ടോ എന്ന് നോക്കി …

കുറച്ച് ദൂരം കൂടെ മുന്നോട്ട് പോയതും റോഡ് സൈഡിൽ ഒരു തട്ടുകട കണ്ട് ഞാൻ കാറ് സൈഡൊതുക്കി നിർത്തി … കാർ നിർത്തിയതും അവൾ ചുറ്റും നോക്കി ഒപ്പം എന്റെ മുഖത്തേയ്ക്കും ….

” ഇറങ്ങ് എന്തെങ്കിലും കഴിച്ചിട്ട് പോകാം … ”

ഞാനതും പറഞ്ഞ് സീറ്റ് ബെൽറ്റ് ഊരി ..

” എനിക്ക് വിശപ്പില്ല …. ”

അവളുടനെ മറുപടി പറഞ്ഞു ….

” താൻ ആ പറഞ്ഞത് കള്ളം …. മനുഷ്യന് വിശപ്പ് വരുമ്പോ മുഖത്ത് ഒരു തരം ഭാവം വരും , ഇപ്പൊ എന്റെ മുഖത്തുളളതു പോലെ …. തന്റെ മുഖത്തും ആ ഭാവം തന്നെയാ … വെറുതെ ഫോർമാലിറ്റി ഇറക്കാതെ ഇറങ്ങി വാ ….. അധവാ അവര് കെല്ലാൻ വന്നാൽ ചാവാൻ നിന്ന് കൊടുക്കാനെങ്കിലും അൽപ്പം ആരോഗ്യം വേണം …. ”