? ദിയ – 1 ? [ ചെകുത്താനെ സ്നേഹിച്ച മാലാഖ ] 720

ഞാൻ അമ്മ ചോദിച്ച ചോദ്യങ്ങൾക്ക് ഉത്തരം പറഞ്ഞ ശേഷം ഫോൺ വച്ചു … അപ്പോഴേയ്ക്കും ഞങ്ങളുടെ ഫുഡ് ടേബിളിൽ എത്തിയിരുന്നു … ഞാൻ കഴിച്ച് തുടങ്ങി , അവൾ ഫുഡ് കഴിക്കുന്ന ആവേശം കണ്ടപ്പൊ എനിക്ക് മനസ്സിലായി അവൾക്ക് എന്നെക്കാൾ നല്ല വിശപ്പുണ്ടായിരുന്നു എന്ന സത്യം ….

” ഒട്ടും വിശപ്പില്ലായിരുന്നു അല്ലേ …. ”

&nbsp

ഞാൻ ഒരു പുഞ്ചിരിയോടെ അവളോട് ചോദിച്ചു … അതിന് അവൾ ഒന്ന് പുഞ്ചിരിക്കുക മാത്രം ചെയ്തു …

കഴിച്ച് കഴിഞ്ഞ് കാശും കൊടുത്ത് തിരികെ വണ്ടിയിൽ കയറി യാത്ര തുടർന്നു …. അവൾ ഒന്നും സംസാരിക്കാതെ മുന്നിലേയ്ക്ക് തന്നെ നോക്കി ഇരുന്നു … ഞാനും ഒന്നും പറയാൻ പോയില്ല …

അൽപ ദൂരം കൂടി പിന്നിട്ടതും …

” ചേട്ടാ കാറ് നിർത്ത് … ”

അവൾ പെട്ടെന്ന് പറഞ്ഞു …

” എന്താ എന്താ കാര്യം ? ”

കാറിന്റെ വേഗത കുറയ്ച്ചു കൊണ്ട് ഞാൻ ചോദിച്ചു ….

” ബസ് സ്റ്റാന്റ് കഴിഞ്ഞു … ഞാൻ ഇവിടെ ഇറങ്ങാം …. ”

അവൾ എന്റെ മുഖത്തേയ്ക്ക് നോക്കി പറഞ്ഞു … പക്ഷെ അപ്പോഴും അവളുടെ മുഖത്ത് ഭയം വ്യക്തമായിരുന്നു …

” താൻ എന്നോട് ഒരു സഹായം ചോദിച്ചു …. ഞാൻ അത് ചെയ്ത് തന്നു …. പക്ഷെ തന്നെ ഇപ്പോൾ ഇവിടെ ഇറക്കി വിടാൻ എനിക്കാകില്ല … തനിക്ക് ഒരിടത്ത് പോകണം എന്ന് കൃത്യമായ ഉദ്ദേശം ഉണ്ടായിരുന്നുവെങ്കിൽ തന്നെ ഞാൻ വിട്ടേനെ …