? ദിയ – 1 ? [ ചെകുത്താനെ സ്നേഹിച്ച മാലാഖ ] 720

അത് പറഞ്ഞപ്പോഴത്തേയ്ക്കും അവളുടെ മിഴികൾ നിറഞ്ഞ് തുളുമ്പാൻ തുടങ്ങി … ഒന്നാശ്വസിപ്പിക്കാൻ പോലും എനിക്ക് വാക്കുകൾ കിട്ടിയില്ല … അവൾ നേരിടുന്നത് ഗുരുതരമായ പ്രശ്നം തന്നെയാണെന്ന് എനിക്ക് മനസ്സിലായി … ഒപ്പം ഇനി ഇവിടെ നിൽക്കുന്ന ഓരോ നിമിഷവും ഇവളുടെ ജീവന് ആപത്താണെന്നും . ഞാൻ കാറ് മുന്നോട്ട് ഓടിച്ചു , അതും അത്യാവശ്യം നല്ല സ്പീഡിൽ …

” തന്റെ പേര് എന്താ ….. ? ”

കുറച്ചു ദൂരം പിന്നിട്ടതും ഞാൻ അവളോട് ചോദിച്ചു …

” ദിയ … ”

അവൾ മെല്ലെ ഉത്തരം പറഞ്ഞു ….

” എന്നെ ഏതെങ്കിലും ബസ് സ്റ്റാന്റിൽ വിട്ടാൽ മതി ചേട്ടാ ….. ഞാൻ പൊയ്ക്കോളാം .. ”

അൽപം കഴിഞ്ഞതും അവൾ പതിയെ പറഞ്ഞു .

” എങ്ങോട്ടാ പോകുന്നേ ….. ”

അവളുടെ ആ വാക്കുകൾ കേട്ടതും ഞാൻ ചോദിച്ചു …

” അറിയില്ല ….. അവരുടെ കണ്ണെത്താത്ത എങ്ങോട്ടെങ്കിലും … പക്ഷെ എനിക്ക് മരണമാണ് വിധിച്ചിരിക്കുന്നതെങ്കിൽ ഞാൻ എവിടെ പോയാലും അവർ എന്നെ കണ്ട് പിടിക്കും ….. മരിക്കാൻ ഭയമായത് കൊണ്ടാ ഞാനിങ്ങനെ ഒളിച്ചോടുന്നത് , ഇല്ലെങ്കിൽ ഇതിന് മുന്നേ ഞാൻ സ്വയം ജീവനൊടുക്കിയേനെ … ”

അവൾ ഇടറുന്ന ശബ്ദത്തോടെ പറഞ്ഞു .

സത്യം പറഞ്ഞാൽ അവളുടെ ആ വാക്കുകൾ കേട്ട് എന്റെ കണ്ണും നിറഞ്ഞു … പക്ഷെ കണ്ണിൽ നിറഞ്ഞ കണ്ണുനീര് അവൾ കാണാതെ ഞാൻ തുടയ്ച്ച് മാറ്റി ….