? ദിയ – 1 ? [ ചെകുത്താനെ സ്നേഹിച്ച മാലാഖ ] 720

” ചേട്ടാ … അവരെന്നെ …. അവരെന്നെ കൊല്ലാൻ വേണ്ടി ഓടിക്കുവാ …. ”

അവൾ പേടിയോടെ പറഞ്ഞിട്ട് മുന്നിലേയ്ക്ക് വിരൽ ചൂണ്ടി … ഞാൻ അപ്പോഴാണത് ശ്രദ്ധിച്ചത് വടിവാളും മറ്റുമായി ഒരു ആറ് പേര് കുറച്ചപ്പുറത്ത് നിൽക്കുന്നു , അൽപ്പം അകലെയായി ഒരു ബ്ലാക്ക് സ്കോർപിയോയും … ഞാൻ അവരെ കണ്ടെന്ന് മനസ്സിലായതും അവർ ഞങ്ങളുടെ നേരെ നടന്ന് വരാൻ തുടങ്ങി …..

” ചേട്ടാ …. പ്ലീസ് ഹെൽപ്പ് …. വണ്ടിയെടുക്ക് , എന്നെ രക്ഷിക്കണം പ്ലീസ് …….
അവരെന്നെ കൊല്ലും ”

അവളുടെ മിഴികളിൽ നിന്ന് കണ്ണുനീർ പൊഴിയാൻ തുടങ്ങി , കൈ കൂപ്പിയുള്ള അവളുടെ ആ നിൽപ്പ് കണ്ട് എന്റെ ചങ്കൊന്ന് പിടഞ്ഞു …

” താൻ വണ്ടിയിലോട്ട് കയറിയിരിക്ക് … ”

ഞാൻ അവളോട് പറഞ്ഞു . അവൾ പെട്ടെന്ന് കാറിന്റെ മുൻ സീറ്റിൽ കയറിയിരുന്നു ….

” ചേട്ടാ വേഗം വണ്ടിയെടുക്ക് പ്ലീസ് , അല്ലെങ്കിൽ ചിലപ്പോൾ അവർ ചേട്ടനെയും ഉപദ്രവിക്കും …. ”

കാറിൽ കയറിയ അവൾ മിഴികൾ തുടയ്ച്ചു കൊണ്ട് പറഞ്ഞു …. അവളുടെ ശബ്ദം ഇടറുന്നുണ്ടായിരുന്നു . ഞാൻ കാറിനുള്ളിൽ ഇരിക്കുന്ന അവളെ നോക്കി പുഞ്ചിരിച്ച ശേഷം കാറിന്റെ മുന്നിൽ കയ്യും കെട്ടി അങ്ങനെ നിന്നു ഞങ്ങളെ ലക്ഷ്യമാക്കി വരുന്നവരെയും നോക്കി …

” ചേട്ടാ പ്ലീസ് വണ്ടിയെടുക്ക് . ”

അവൾ വീണ്ടും പറഞ്ഞു … അതിന് ഞാൻ എന്റെ ചുണ്ടിൽ വിരൽവച്ച് ശബ്ദിക്കരുതെന്ന് അവൾക്ക് നിർദ്ദേശം നൽകി …

” ടാ …. മര്യാദയ്ക്ക് അവളെ ഇറക്കി വിട് ഇല്ലേൽ മോൻ കുടുംബത്തിൽ തിരിച്ചെത്തില്ല … ”

അതിലൊരുത്തൻ വിളിച്ച് പറഞ്ഞു …