? ദിയ – 1 ? [ ചെകുത്താനെ സ്നേഹിച്ച മാലാഖ ] 720

” ശരി നീ വയ്ക്ക് …. ഡ്രൈവിങ്ങിലല്ലേ … സൂക്ഷിക്കണം . ബൈ…. ”

അനൂപ് അതു പറഞ്ഞ് കോൾ കട്ട് ചെയ്തു … ഞാൻ വീണ്ടും പാട്ടൊക്കെ കേട്ട് കാറ് മുന്നോട്ട് ഓടിച്ചു … ജനവാസം തീരെ കുറഞ്ഞ ഒരു സ്ഥലത്തുകൂടെയാണ് ഈ റോഡ് , രണ്ടും മൂന്നും കിലോമീറ്റർ താണ്ടുമ്പോഴായിരിക്കും ഓപ്പോസിറ്റ് നിന്ന് ഒരു വണ്ടിയെങ്കിലും കാണാൻ പറ്റുക മാത്രമല്ല സമയം രാത്രിയുമായി …. ഒറ്റ നോട്ടത്തിൽ ഒരു വനത്തിനുള്ളിലൂടെ പോകുന്ന ഫീലാണ് ….

പെട്ടെന്ന് ,

കാറിന്റെ ഓപ്പോസിറ്റ് നിന്ന് ഒരു പെൺകുട്ടി ഭയം നിറഞ്ഞ രീതിയിൽ എന്റെ കാർ ലക്ഷ്യമാക്കി ഓടി വരുന്നത് ഹെഡ് ലൈറ്റ് വെളിച്ചത്തിൽ കണ്ട് ഞാൻ കാറിന്റെ വേഗത കുറയ്ച്ചു … അവൾ എന്റെ കാറിന് മുന്നിലേയ്ക്ക് ചാടും എന്ന രീതിയിലാണ് ഓടി വരുന്നത് … ഞാൻ പെട്ടെന്ന് കാർ ബ്രേക്കിട്ടു …

കാർ അവളെ തൊട്ടു തൊട്ടില്ല എന്ന മട്ടിൽ അടുത്ത് ചെന്ന് നിന്നു …. എനിക്കാണെങ്കിൽ എന്താണ് നടക്കുന്നതെന്ന് ഒരു പിടിത്തവുമില്ല . ആദ്യം ഉള്ളിൽ തോന്നിയത് ദേഷ്യമാണ് … പക്ഷെ ആ ദേഷ്യം ഉള്ളിലൊതുക്കി ഞാൻ കാറിന്റെ ഡോറ് തുറന്ന് പുറത്തേയ്ക്ക് ഇറങ്ങി ….

” ഈ രാത്രി ആത്മഹത്യ ചെയ്യാൻ വേറെ വണ്ടിയൊന്നും കിട്ടിയില്ലേ കൊച്ചേ … ”

പുറത്തേയ്ക്കിറങ്ങിയ ഞാൻ കാറിന്റെ മുൻപിൽ നിൽക്കുന്ന അവളോട് ചോദിച്ചു … കക്ഷി പേടിച്ചരണ്ട ഭാവത്തിൽ എന്നെ നോക്കി നിൽക്കുകയാണ് , ഓടി വന്നതിന്റെ ചെറിയ കിതപ്പുമുണ്ട് .