……………………..

 

 

 

                   ✮കൽക്കി࿐

                       ഒരു രണ്ടാം വരവ്    

               

                              ഭാഗം – 19

Author : വിച്ചു

[ചെകുത്താനെ സ്നേഹിച്ച മാലാഖ] 

Previous Parts

 

   ◊◊◊◊◊◊◊◊ ◊◊◊◊◊◊◊◊  ◊◊◊◊◊◊◊ 

 

 

View post on imgur.com

 

 

                    ……………………..

 

 

അന്നേ ….. എല്ലം മനസ്സിലാക്കിയ ദിവസമേ ഞാൻ തീരുമാനിച്ച് ഉറപ്പിച്ചതല്ലേ ഇതൊക്കെ , മനസ്സിനെ പറഞ്ഞ് പഠിപ്പിച്ചതല്ലേ പലതവണ എന്നിട്ടും ഇന്നലെ രാത്രി അങ്ങനെയൊക്കെ സംഭവിച്ച ശേഷം ആ മുഖം കണ്ടപ്പോൾ ആ നെഞ്ചിൽ ചായാനാ ആദ്യം തോന്നിയത് , മനസ്സിൽ ഒരു തരം ഭ്രാന്തമായ ഇഷ്ടമാ അപ്പോൾ തോന്നുന്നത് . പ്രണയവും ബഹുമാനവും ആരാധനയും അങ്ങനെ എന്തൊക്കെയോ … എനിക്ക് എന്നെത്തന്നെ പിടിച്ച് നിർത്താൻ കഴിയാതെ പോകുന്നത് പോലെ ….

 

ഞാൻ കാരണം എന്നോടുള്ള പ്രണയം കാരണം ആ ചേട്ടൻ കൂടി ആപത്തിൽ പെടാൻ പാടില്ല , അതിന് മുന്നിൽ എന്റെ ഉള്ളിലെ ഇഷ്ടത്തിനും സ്നേഹത്തിനും വലിയ വിലയില്ല , അല്ല വില കൊടുക്കാൻ പാടില്ല …. ”

 

നിറകണ്ണുകളോടെ അവൾ സ്വയം പറഞ്ഞു . മനസ്സിനെ ആശ്വസിപ്പിക്കാൻ എന്നോണം , മനസ്സിനെ നിയന്ത്രിക്കാൻ വേണ്ടി …

 

കവളിലൂടെ ഒഴുകിയിറങ്ങിയ കണ്ണുനീർ തുള്ളികൾ തുടയ്ച്ച് മാറ്റിയ ശേഷം മുറുക്കെ പിടിച്ചിരുന്ന ആദിയുടെ വസ്ത്രവുമായി അവൾ ബെഡിൽ നിന്നെണീറ്റു . അപ്പോഴാണ് അവളുടെ കയ്യിൽ ഇരുന്ന അവന്റെ ആ പാൻസിന്റെ പോക്കറ്റിൽ നിന്ന് എന്തോ ഒന്ന് നിലത്തേയ്ക്ക് വീണത് …
ശബ്ദം കേട്ട അവൾ വേഗം തല കുനിച്ച് നിലത്തേയ്ക്ക് നോക്കി . തന്റെ കാലിനടുത്തായി വീണ് കിടക്കുന്ന ആ സാധനം കണ്ടതും അവളുടെ കണ്ണുകൾ വിടർന്നു , ഒരേ സമയം സന്തോഷവും അൽഭുതവും സംശയവും നിറഞ്ഞത് പോലെ ..