✮കൽക്കി࿐ (ഭാഗം – 19 ) വിച്ചു [ചെകുത്താനെ സ്നേഹിച്ച മാലാഖ ] 1103

മാണിക്യൻ തന്റെ കുറച്ച് മാറി കൂട്ടിൽ നിൽക്കുന്ന ആ കറുത്ത കുതിരയെ നോക്കി നിന്നുകൊണ്ട് പറഞ്ഞു . കറുപ്പ് ഒരു ഒന്നൊന്നര അഴകാണെന്ന് മുത്തുവിനെന്ന് കാണുന്ന ആർക്കും തോന്നിപ്പോകും കാരണം അവന്റെ ശരീരത്തിന് അതിനേക്കാൾ യോജിച്ച നിറം വേറെയില്ല … പുറം കഴുത്തിലും വാലിലും അസാധാരണമായി വളർന്ന് കിടക്കുന്ന കൊഴുത്ത രോമവും ശരീര പുഷ്ടിയും അവന്റെ അഴക് ഒന്ന് കൂടി വർദ്ധിപ്പിച്ചിരുന്നു . ആരെയും ഭയപ്പെടുത്തുന്ന അവന്റെ നോട്ടവും ഒട്ടും ഇണങ്ങാത്ത പ്രകൃതവും കാരണം ആരും ഇതുവരെ അവന്റെ പുറത്ത് കയറിയിട്ടില്ല , അല്ല അവൻ ആരെയും കയറ്റിയിട്ടില്ല .

വൈകുണ്ഡ പുരിയിൽ നിന്ന് ആറ് മാസങ്ങൾക്ക് മുൻപാണ് അറുമുഖന്റെ ഒരു സുഹൃത്തായ മുരുകൻ മുത്തുവിനെ ഇവിടെ എത്തിച്ചത് അതിന്റെ പേരിൽ അവൻ കുറേ പണവും തട്ടി . മുത്തുവിനെ ഇവിടെ എത്തിച്ച ലോറി ഡ്രൈവറാണ് മുത്തു വിന്റെ സ്വദേശം വൈകുണ്ഡ പുരിയാണെന്നുള്ള കാര്യം മാണിക്യനോട് പറഞ്ഞത് . പക്ഷെ മുത്തുവിനെ പറ്റിയുള്ള മറ്റ് കാര്യങ്ങളെല്ലാം ദുരൂഹത നിറഞ്ഞതായിരുന്നു , ആർക്കും അറിയാത്ത കാര്യങ്ങൾ .

                    ……………………..

സിറ്റി ഹോസ്പിറ്റൽ …..

ഹോസ്പിറ്റലിന് മുന്നിലായി ഒരു കാർ വേഗത്തിൽ വന്ന് നിന്നു , അതിൽ നിന്ന് ജഗദേവ് പെട്ടെന്ന് പുറത്തേയ്ക്കിറങ്ങിയ ശേഷം വേഗം ഉള്ളിലേക്ക് കയറി …..

” ടാ ….. എന്തായി , അവൻ എന്തെങ്കിലും സംസാരിച്ചോ ….. ? ”

ജഗദേവ് അവിടെ നിന്ന ഒരുവനോട് ചോദിച്ചു ….

” ഇല്ല അണ്ണാ ഞാൻ കണ്ടില്ല , നഴ്സാ ജിതേന്ദ്രന് ബോധം വീണ കാര്യം എന്നോട് പറഞ്ഞത് . അണ്ണൻ വന്നിട്ട് അകത്തേയ്ക്ക് കയറാം എന്ന് കരുതി …. ”