✮കൽക്കി࿐ (ഭാഗം – 19 ) വിച്ചു [ചെകുത്താനെ സ്നേഹിച്ച മാലാഖ ] 1103

ഇന്നലെ രാത്രി അയാൾ ആ വൃദ്ധ സന്യാസി പറഞ്ഞതിനെപ്പറ്റിയല്ലേ ഞാൻ സത്യത്തിൽ അന്വേഷിക്കേണ്ടത് . അതെ അത് തന്നെ …..
രണ്ട് തവണ അവൾക്ക് മുന്നിൽ ഞാൻ എത്തിപ്പെട്ടത് യാദൃശ്ചികമായിട്ടല്ല , അവളെ രക്ഷിക്കാൻ വേണ്ടിത്തന്നെയാ …. അതും ആരോ പറഞ്ഞുറപ്പിച്ചത് പോലെ . എന്റെ നെഞ്ചിൽ കുടികൊള്ളുന്ന കടവുൾ അംശം അത് അവൾ , ദക്ഷ തന്നെയാ .

ദക്ഷ പറഞ്ഞത് തന്നെയാണ് ശരി എന്നെപ്പറ്റി പലതും അവൾക്കറിയാം , എനിക്കറിയാത്ത പലതും അവൾക്കറിയാം . അത് ഞാനറിയാതിരിക്കാനായിരിക്കും ചിലപ്പോൾ അവൾ എന്നോട് ദേഷ്യം കാണിച്ചത് . പെട്ടെന്നായിരുന്നു ഇന്നലെ അവളുടെ ഭാവം മാറിയത് എന്നോട് നീരസം കാണിച്ചത് . എല്ലാത്തിന്റെയും ഉത്തരം അത് അവൾ തന്നെയാ . അതറിയണം അറിഞ്ഞേ പറ്റൂ …. ”

മനസ്സിൽ പറഞ്ഞുറപ്പിച്ച പോലെ അവൻ അവിടെ നിന്ന് എണീറ്റ ശേഷം ഒരു പുഞ്ചിരിയോടെ ഒന്നുകൂടി തൊഴുത് വേഗം ക്ഷേത്രത്തിന് പുറത്തേയ്ക്ക് പോയി … ബൈക്ക് സ്റ്റാർട്ട് ചെയ്ത് അവൻ വേഗം തിരിച്ചു നന്ദാവനം മന ലക്ഷ്യമാക്കി .

                    ……………………..

ഇന്നലെ ബൈക്ക് വച്ച സ്ഥലത്തായി വണ്ടി നിർത്തിയ ശേഷം അവൻ മുന്നോട്ട് നടന്നു . ഗേറ്റിന്റെ ഇടനാഴിയിലൂടെ നോക്കിയപ്പോൾ കണ്ട കാഴ്ച ഇന്നലത്തേത് പോലെ തന്നെ സെക്യൂരിറ്റി നല്ല ഉറക്കത്തിലാണ് …. വേഗത്തിൽ മതില് ചാടിക്കടന്ന് ആദി അകത്തേയ്ക്ക് കയറി …. പെട്ടെന്ന് തന്നെ അവനെ പ്രതീക്ഷിച്ചിരുന്നത് പോലെ ആ നായ അവന്റെ അടുത്തേയ്ക്ക് വാലുമാട്ടിക്കൊണ്ട് ഓടി വന്നു ….
അടുത്ത് എത്തിയതും അവനാ നായയുടെ തലയിൽ ഒന്ന് തലോടി ….