✮കൽക്കി࿐ (ഭാഗം – 19 ) വിച്ചു [ചെകുത്താനെ സ്നേഹിച്ച മാലാഖ ] 1103

അവളുടെ തൂങ്ങിയാടുന്ന ശരീരത്തിന് മുന്നിൽ താൻ പകച്ച് ജീവനറ്റത് പോലെ നിന്നതും , ചില ദിവസങ്ങൾ കഴിഞ്ഞ് താനോടിച്ചിരുന്ന കാറിലേയ്ക്ക് ആ ലോറി പാഞ്ഞ് വന്ന് കയറിയതും , അച്ഛനും അമ്മയും മരണപ്പെട്ടതും ഒന്നനങ്ങാൻ പോലും കഴിയാതെ മാസങ്ങളോളം താൻ ബെഡിൽ നരകിച്ചതും ഒടുവിൽ ഓരോരുത്തരെയായി എണ്ണിയെണ്ണി പകയ്ക്കൊത്തവണ്ണം കൊന്ന് തള്ളിയതും
അവസാനം ആ നാട് വിട്ട് ഈ നാട്ടിലെത്തിപ്പെട്ടതും യാത്രയ്ക്കിടയിൽ അപ്രതീക്ഷിതമായി ദക്ഷയെ രക്ഷിച്ചതും അവളെ കണ്ടതും അവളുടെ മുഖം മനസ്സിൽ കയറി കൂടിയതും അങ്ങനെ എല്ലാം ഓരോന്നോരോന്നായി അവന്റെ ഉൾക്കണ്ണിൽ മിന്നി മറഞ്ഞു ഒരു സ്വപ്നം പോലെ ഒപ്പം കേട്ട് മറന്ന ചില വാക്കുകളും കാഴ്ചകളും

” ഹ……. ഹാ ….. ഹ ഹ ……. ഏത് നാട്ടിലേക്ക് ചേക്കേറിയാലും ഒരു നാൾ പിറന്ന മണ്ണിലേക്ക് തിരിച്ചു വരേണ്ടിവരും , അത് പ്രപഞ്ചത്തിന്റെ പൊരുൾ . ഒടുവിൽ നീയും മടങ്ങി വന്നു , അല്ലേ നരസിംഹാ ….. ബന്ധങ്ങളാൾ ബന്ധനസ്ഥനായിരുന്നു നീ , കാലം ആ ബന്ധങ്ങളെ പൊട്ടിച്ചെറിഞ്ഞു അത് അവരുടെ വിധി നിന്റെ തിരിച്ച് വരവിന് അത് ആവശ്യം …. നീ ഇപ്പൊ സ്വതന്ത്രൻ പക്ഷെ നിന്റെ ഹൃദയം മറ്റൊരാൾ ഒരു ചങ്ങല കൊണ്ട് ബന്ധിച്ച് കഴിഞ്ഞിരിക്കുന്നു , ആ ബന്ധനം തകർക്കാൻ നീ അശക്തൻ ….

ചക്രവ്യൂഹത്തിൽ അകപ്പെട്ട അഭിമന്യുവിന്റെ അവസ്ഥയാണ് നിനക്കും വന്ന് ചേർന്നിരിക്കുന്നത് , ഒരു രക്ഷപെടൽ അസാധ്യം . നിന്റെ ജന്മം തന്നെയാണ് അതിന്റെ കാരണവും .

നിന്റെ ഹൃദയം ബന്ധിച്ച ചങ്ങല അതിന്റെ രഹസ്യത്തിലേക്കുള്ള താക്കോൽ നിനക്കിന്ന് തന്നെ കിട്ടും പക്ഷെ ഹ ….. ഹ …. അത് നിനക്ക്