നിയോഗം3 The Fate Of Angels Part X ( മാലാഖയുടെ കാമുകൻ) 2851

അവളുടെ വേദന നിറഞ്ഞ കരച്ചിൽ അവിടെ മുഴങ്ങി… കത്തി അവളുടെ നെഞ്ചിലേക്ക് ആണ് കയറിയത് ഒന്ന് മെറിന് മനസിലായി..

അവൾ മെറിന്റെ ദേഹത്ത് കിടന്നു കൊണ്ട് മെറിന്റെ കഴുത്തിൽ മുറുക്കെ പിടിച്ചു…

“പ്ലീസ് ഡൈ…പ്ലീസ്..”

അവൾ മെറിനോട് കെഞ്ചുന്നത് പോലെ പറഞ്ഞപ്പോൾ മെറിൻ ചിരിച്ചു..

“നോട്… നോട്ട് ടുഡേ….”

മെറിൻ ഇരുകൈകളും കൊണ്ട് അവളെ ചുറ്റി വരിഞ്ഞു ആഞ്ഞു പുണർന്നു അവളെ.. ശക്തമായി…

“ആആആ… ആഹ്ഹ്ഹ്…..”

അവളുടെ വേദന നിറഞ്ഞ കരച്ചിൽ.. മെറിൻ വിട്ടില്ല.. അവൾ മെറിന്റെ കഴുത്തിൽ കടിച്ചു.. എന്നിട്ടും മെറിൻ വിട്ടില്ല..
മെല്ലെ മെല്ലെ അവളുടെ ശക്തി കുറഞ്ഞു വന്നു.. അതോടെ മെറിൻ അവളെ കുടഞ്ഞു നിലത്തിട്ടു.. മലർന്നടിച്ചു വീണ അവളുടെ നെഞ്ചിന്റെ ഉള്ളിലേക്ക് കത്തിയുടെ പിടി വരെ ഇറങ്ങി പോയിരുന്നു..

ചോരയിൽ കുളിച്ച മെറിൻ മെല്ലെ കണ്ണുകൾ അടച്ചു.. അവളുടെ ബോധം മറഞ്ഞിരുന്നു..

***

അടിയിൽ ചെന്ന ലിസയും അനാബെല്ലും മേയർ ക്ലിയോപാട്രയെ മുകളിലേക്ക് കൊണ്ടുവരാൻ ശ്രമിച്ചപ്പോൾ ആണ് ഡോർ ശക്തമായി അടഞ്ഞത്..

അപ്പോഴാണ് മുകളിൽ ഒച്ചകളും കേട്ടത്.. മെറിന്റെ കരച്ചിൽ കേട്ടു.. ഡോർ ലോക്ക് ആയിരുന്നു.. കുറെ തട്ടി നോക്കി എങ്കിലും തുറക്കാൻ കഴിഞ്ഞില്ല..

അനാബെൽ ഡോർ ലോക്ക് കണക്കു കൂട്ടി ഗൺ ഫയർ ചെയ്തു..

ഉടനെ പുറകിലേക്ക് ഓടിപ്പോയ ലിസ കുതിച്ചു വന്നു ചാടി മുകളിലെ ഹങ്കേറിൽ പിടിച്ചു വളഞ്ഞു ശക്തമായി ഇരു കാലുകളും വച്ച് ആഞ്ഞു ചവുട്ടി.. അതോടെ ലോക്ക് പൊട്ടി.. ഡോർ മുകളിലേക്ക് മറിഞ്ഞു..

മുകളിലേക്ക് വേഗം കയറിവന്ന അവർ കണ്ടത് കണ്ണ് തുറന്ന് കിടന്നു ശ്വാസം ആഞ്ഞു വലിക്കുന്ന ഒരു പെണ്ണും അനക്കം ഇല്ലാതെ ചോരയിൽ കുളിച്ചു കിടക്കുന്ന മെറിനെയും ആണ്..

“മെറിൻ.!!????”

ലിസയുടെ അലർച്ച അവിടെ മുഴങ്ങി…

“ജീസസ്… !”