നിയോഗം3 The Fate Of Angels Part X ( മാലാഖയുടെ കാമുകൻ) 2851

അവൾ വായിൽ നിറഞ്ഞ ചോര അയാളുടെ മുഖത്തേക്ക് തുപ്പി.

അയാൾ ചിരിച്ചു… ഉടനെ ഒപ്പം നിന്ന ആൾ ഒരു റിവോൾവർ എടുത്തു ലോഡ് ചെയ്തു.. അതിൽ തിര നിറച്ച അയാൾ അത് മുൻപിൽ നിന്നവന്റെ കയ്യിൽ കൊടുത്തു..

“ഓൾഡ് സ്റ്റൈൽ ആണ് ഞങ്ങൾ..
എന്നാലും നിന്നെ ശരിക്കും ഇങ്ങനെ അല്ല കൊല്ലേണ്ടത് പക്ഷെ യു ഡു ഡെസേർവ് എ ഗുഡ് ഡെത്ത്… അവസാനമായി എന്തെങ്കിലും പറയാൻ ഉണ്ടോ കമ്മിഷണർ മെറിൻ..?”

അയാൾ അവളുടെ കവിളിൽ ഒന്ന് തട്ടി.. റിവോൾവർ നെറ്റിയുടെ വശത്തേക്ക് വച്ചു.. ഒരു കൈ അവളുടെ കഴുത്തിലും ആയിരുന്നു..

“ഡോൺ.. ണ്ട്..”

അവൾ എന്തോ പറഞ്ഞു.. വ്യക്തം ആയില്ല. അതോടെ അയാൾ അവളുടെ കഴുത്തിലെ പിടി ഒന്ന് അയച്ചു.. അവൾ ശ്വാസം വലിച്ചു. വായിൽ നിറഞ്ഞ ചോര നിലത്തേക്ക് തുപ്പി..

“ഇനി പറ…”

അയാൾ വീണ്ടും ചിരിച്ചു..

“ഡോണ്ട്.. ജസ്റ്റ് ഡോണ്ട് മെസ് വിത്ത് ദി ഡെവിൾ… “

പല്ലുകൾ ഇറുമ്മി അത് പറഞ്ഞതും മെറിൻ അവളുടെ വയറ്റിൽ കുത്തിയിരുന്ന കത്തി വലിച്ചു നേരെ അയാളുടെ താടിക്ക് താഴെ കൂടെ കുത്തി കയറ്റിയതും ഒരുമിച്ചു ആയിരുന്നു..

മറ്റവൻ എന്താണ് നടന്നത് എന്നറിയും മുൻപേ ഊരി എടുത്ത കത്തി അവൾ വീശി അവന്റെ കഴുത്തു മുറിച്ചിരുന്നു…

വയറിന്റെ വേദനയിൽ നിലത്തേക്ക് മുട്ടുകുത്തി വീണുപോയ മെറിൻ ആ കത്തി ശരവേഗതയിൽ ആഞ്ഞു എറിഞ്ഞു…

ലിസയെ പിടിച്ചു നിന്ന ഒരുവന്റെ തലയുടെ പുറകിൽ ആണ് ആ കത്തി കയറിയത്.. അവൻ വാ പൊളിച്ചു നിലത്തേക്ക് മെല്ലെ ഇരുന്നു..