ബറാക്കയുടെ പ്രതികാരവും പ്രണയവും [ഫ്ലോക്കി കട്ടേകാട്] 90

എന്നാൽ സാഫ്ര തന്റെ സഹായങ്ങൾക്കു പകരം അവളുടെ  ആവിശ്യങ്ങൾ എബ്രയാനു മുന്നിൽ വെച്ചു. അത് എല്ലാം അംഗീകരിച്ചാൽ  മാത്രമേ ഇതുമായി മുന്നോട്ട്  പോകാനാകു എന്ന കാര്യം സാഫ്ര  തീർത്ത്  പറഞ്ഞു.

• യുദ്ധം നയിക്കുന്നത് സാഫ്രയും അനുജൻ ഫെർഗാസുമാആയിരിക്കും. ഒക്കോവ സൈന്യം തങ്ങളുടെ നിർദേശങ്ങൾ ആയിരിക്കും സ്വീകരിക്കേണ്ടത്.

• യുദ്ധത്തിന് നമുക്ക് ഹൈപ്പിയൻ രാജ്യത്തിന്റെ സഹായം വേണ്ടി വരും..

• യുദ്ധം കഴിഞ്ഞാൽ ബറാക്ക, ഒക്കോവ സാമ്രാജ്യത്തിന് കീഴിൽ വരും, അപ്പോൾ ബറാക്കയുടെ ഭരണം സാഫ്രക്ക് നൽകണം. ബറാക്കയിൽ നിന്നു പ്രതീക്ഷിക്കുന്ന എല്ലാം മുറ പോലെ നല്കപ്പെടും പക്ഷെ ഭരണം സാഫ്രയുടെ ആയിരിക്കും.

സാഫ്ര പറഞ്ഞ ഉടമ്പടിയിലെ   ഒന്ന് പോലും എബ്രയാന് അഭികാമ്യം ആയിരുന്നില്ല. തന്റെയും തന്റെ രാജ്യത്തിന്റെയും അസ്തിത്വത്തെ ചോദ്യം ചെയ്യുന്നതായിരുന്നു അവയെല്ലാം.  ഒരു രാജാവിനു വെപ്പട്ടിയുണ്ടാവുക എന്നത് തന്റെ രാജ വംശത്തിൽ ആദ്യത്തേത് അല്ല. എന്നാൽ അതേ വെപ്പട്ടിയുടെ മകൾ, തന്റെ ജാര സന്തതി തന്നെ വെല്ലുവിളിക്കാൻ വളർന്നത് ആദ്യ സംഭവം ആയി. എബ്രയാൻ തന്റെ നീരസം പുറത്തു കാണിച്ചു

ജാര സന്തതി എന്ത് തന്നെ പറഞ്ഞാലും ജാര സന്തതി തന്നെ ആയി നില നില്കും. പിന്നേ എന്തിന് ഇങ്ങനെ ഒരു ഉടമ്പടി. മാത്രമല്ല ബറാക്ക പിടിച്ചടക്കുക എന്നതിന്റെ മർമപ്രധാന കാരണം ബാറാക്കയിലെ വലിയ സ്വർണഘനിയും കടുത്ത വേനലിൽ പോലും  പൊന്നു വിളയുന്ന കൃഷിയിടങ്ങളുമാണ്. അവിടെ അധികാരം  സാഫ്രയ്ക്ക് നൽകിയാൽ ഉണ്ടാകുന്ന ഭവിശത്തുകളെയും കുറിച്ച് എബ്രയാൻ ആലോചച്ചു.