ബറാക്കയുടെ പ്രതികാരവും പ്രണയവും [ഫ്ലോക്കി കട്ടേകാട്] 90

അഡ്രിയെൻ :  ഇതൊക്കെ ഒരു കാരണങ്ങളാണോ?

സാഫ്ര തന്റെ  വാൾ എടുത്ത് അഡ്രിയെന്റെ കഴുത്തിൽ വെച്ചു  അവന്റെ കണ്ണുകളിലേക്ക് നോക്കി

‘ചങ്കൂറ്റമുണ്ടോ?…. “

അഡ്രിയെൻ സാഫ്രയെ തള്ളി മാറ്റാൻ ഒരു ശ്രമം നടത്തി. സാഫ്ര വ് വാൾ ഇടത്തോട്ട് ഒന്ന് ചലിപ്പിച്ചു

ആാാാ…

കഴുത്തിനു കുറുകെ അഡ്രിയെന്റെ തൊലിമുറിഞ്ഞു രക്തം പൊടിഞ്ഞു. സാഫ്രയുടെ പ്രവർത്തിയിൽ അഡ്രിയെന് ചെറുതായെങ്കിലും ഭയം നിറഞ്ഞു. അവന്റെ കൃഷ്ണമണികൾ തുടരെ തുടരെ ചലിച്ചു.

സാഫ്ര അവനെ നോക്കി ഉറക്കെ ചിരിച്ചു.

സാഫ്ര : പോ നിന്നെ കാത്ത് മണിവർണക വരുന്നുണ്ട്. കൂടെ പരിവാരങ്ങളും…. മംഗലത്തിനു കുമാരനു അംഗവൈകല്യം ഉണ്ടാവുന്നത് ഹൈപ്പിയൻ രാജാവ് ഫെർണാണ്ടോക്ക് കുറച്ചിലാകും

ശേഷം അവൾ ടൈക്ക് രാജാവിന്റെ അന്തപുരത്തിൽ നടന്നു. വിശ്രമിക്കണം, എന്നാൽ യുദ്ധത്തിന്റെ അവസാനം നടന്ന ആ സംഭവം അവളുടെ മനസ്സിനെ ഒന്ന് ഉലച്ചിരുന്നു….

ഏതായിരുന്നു ആ സൈനികൻ. വെറും മൂന്നു നിമിഷങ്ങളെ അവനെ താൻ കണ്ടോള്ളൂ. ബറാക്ക കൊട്ടാരത്തിലേക്ക് പാഞ്ഞു കയറുമ്പോൾ കാര്യങ്ങൾ എളുപ്പമായിരിക്കും എന്നാണ് കരുതിയത്.  എന്നാൽ കയറിയതും ആദ്യ പ്രഹരത്തിൽ കയ്യിലെ വാൾ തെറിച്ചു വീണു. ഓടിയടുക്കുന്ന ബറാക്കയുടെ പടയാളികളും ചുറ്റിലും കൂടി നിന്ന ബറാക്കയുടെ “ചീറ്റ” പടയാളികളുടെ ഉറുമിക്ക് തീരേണ്ടതായിരുന്നു താൻ.

നൊടിയിടയിൽ പാഞ്ഞു വന്ന ആ ചെറുപ്പക്കാരന്റെ കൈയിലെ വാൾ വായുവിൽ മൂളൽ പറത്തി ചുഴിഞ്ഞു. തന്റെ കണ്ണിനു മുന്നിൽ നേത്രങ്ങളുടെ കാഴ്ച്ചക്ക് അപ്പുറം ഒരു മിന്നൽപിണ കണക്കുണ്ടായിരുന്ന അവന്റെ മൈവഴക്കത്തിനു മുന്നിൽ ഒരു നിമിഷം ആരാധന തോന്നി.