ബറാക്കയുടെ പ്രതികാരവും പ്രണയവും [ഫ്ലോക്കി കട്ടേകാട്] 90

കരിമ്പുലി!!!! ഇരയെ കിട്ടിയ അവനു ക്രൂരതയുടെ മുഖം വന്നു. അവൻ അവരിലേക്കുള്ള തന്റെ പ്രയാണം തുടങ്ങി. വില്ലിൽ നിന്നും തൊടുത്ത ശരം  കണക്ക് അവൻ അവരിലേക്ക് പാഞ്ഞടുത്തു…. ചെറിയ പുൽകൊടികളെ ചവിട്ടിമെതിച്ചു വരുന്ന അവന്റെ കാലുകൾടിയിൽ നിന്നും കല്ലുകളും മണ്ണും നാല് പാടേക്കും തെറിച്ചു….

അവരുടെ അടുത്തെത്തിയതും, വായ പൊളിച്ചു കൂർത്ത പല്ലുകൾ വെളിയിലെക്കിട്ട് അവരുടെ കഴുത്തിനേ  ലക്ഷ്യമാക്കി അവൻ കുതിച്ചു ചാടി…. വായുവിൽ പറന്നു തങ്ങളുടെ ശരീരത്തിലേക്ക് ചാടുന്ന അവനെ ജൂഡോ ശരിക്കുമോന്നു നോക്കി….  തന്റെ ഇരട്ടിയോളം ഭാരം വരും അതിനു. ട്രീസ മരണം മുന്നിൽ കണ്ടു.

തൊട്ടടുത്ത നിമിഷം, ട്രീസ ഊന്നു നിൽക്കുന്ന ഊന്നു വടി ജൂഡോ വലിച്ചെടുത്തു, ഒരുകാലിൽ നിൽക്കാനാവാതെ ട്രീസ നിലത്തേക്ക് വീണു വീഴുന്നതിനു മുൻപ് ജൂഡോ അവളെ വലിച്ചു മറ്റൊരു വശത്തേക്ക് തള്ളിയിട്ടു … ശേഷം അവളുടെ ഊന്നു വടി തിരിച്ചു പിടിച്ച് അവളുടെ സ്ഥാനത്തു കുത്തിവെച്ചു.

ഒരു നൊടിയിൽ സംഭവിച്ച കാര്യങ്ങളിൽ, വീണു കിടക്കുന്ന തന്റെ നെഞ്ചിന് മുകളിലൂടെ അമ്പുകൾ കടന്നു പോകുന്നത് അവൾ കണ്ടു. ആദ്യ അമ്പ് തന്നെ കടന്നു ജൂഡോയുടെ കാലിനെ  ഉരുമ്മിപ്പോയി  തൊട്ടു പിന്നിൽ പൊടുന്നനെ വന്ന അടുത്ത അമ്പ് കരിമ്പുലിയുടെ ഇടത്തെ കണ്ണിനെ തറച്ചു ആകത്ത് കയറി  അവൻ വലിയ ശബ്ദത്തിൽ അലറി വിളിച്ചു പൊടുന്നനെ വന്ന അടുത്തത് അമ്പ് അവന്റെ കഴുത്തിനെ തുളച്ചു. വായുവിൽ ഉയർന്നു ചാടിയ അവന്റെ ശക്തി ക്ഷയിച്ചു ജൂഡോ നിലത്തു മുന്നോട്ട് ചെരിച്ചു കുത്തിപ്പിടിച്ച ട്രീസയുടെ ഊന്നു വടിയുടെ കൂർത്ത ഭാകതിന് മുകളിലേക്കു അവൻ വന്നു വീണു….