ബറാക്കയുടെ പ്രതികാരവും പ്രണയവും [ഫ്ലോക്കി കട്ടേകാട്] 90

തന്റെ പിന്നിൽ ട്രീസ ഇല്ല എന്ന് തിരിച്ചറിഞ്ഞതും, ജൂഡോ പിന്നേലേക്ക് തന്നെ ഓടി. താൻ ചവിട്ടിയരഞ്ഞ  പുല്ലുകളിൽ ലക്ഷ്യം  വെച്ചു പിന്നിലേക്ക് ഓടി, രക്‌തമോലിപ്പിക്കുന്ന കാലുമായി ട്രീസ വേച്ചു വേച്ചു നടക്കുന്നു. ജൂഡോ അവൾക് അരികിൽ ഇരുന്നു. ട്രീസയുടെ പാന്റ് ചോരക്കൊണ്ട് നിറം മാറിയിരിക്കുന്നു. അവൻ വേഗം തന്റെ കുപ്പായം അഴിച്ചു അതിൽ നിന്നും ഒരു കഷ്ണം തുണി കീറിയെടുത്തു… ചോര പൊടിയുന്ന അവളുടെ മുറിവിനെ വരിഞ്ഞു കെട്ടി.

രണ്ട് പേരും ദാഹം കൊണ്ട് വലഞ്ഞു. ഇലകളുടെ ഇടയിലൂടെ ഊർന്നിറങ്ങുന്ന സൂര്യ രശ്മികൾ   കാടിനുള്ളിൽ ചെറിയ വെളിച്ചം നൽകി…. നാളെ സന്ധ്യക്ക്‌ മുൻപെങ്കിലും കലുമ്പൻ മലയുടെ അടിവാരത്ത് എത്തണം.  ട്രീസ്ക്ക് നടക്കാനുള്ള ബുദ്ധിമുട്ട് കലാശമാണ്. ദാഹം നന്നെയുണ്ട്. ശരീരത്തിലെ വെള്ളം മുഴുവൻ ചോർന്നിരിക്കുന്നു. ചുണ്ടുകൾ വരണ്ടു പൊട്ടാൻ തുടങ്ങുന്നു. കലശമായ ക്ഷീണം ശരീരത്തെ തളർത്തി. ഇരുട്ട് വീഴുന്നതിനു മുമ്പ് സുരക്ഷിതമായ സ്ഥലം കണ്ടുപിടിക്കണം. 14 വയസ്സ് പ്രായം മാത്രമുള്ള രണ്ട് കുട്ടികൾ!!! കൊടും കാട്ടിൽ എങ്ങനെ പ്രതിരോധിച് നിൽക്കും

ട്രീസ ജൂഡോയെ നോക്കി, ജൂഡോ അവളുടെ ഒരു കൈ തന്റെ തോളിലൂടെ ഇട്ടു താങ്ങി പതിയെ നടക്കാൻ ആരംഭിച്ചു. ചീവീടുകളുടെ ശബ്ദം കാട്ടിൽ അലയടിക്കുന്നു. ജൂഡോ ഓരോ ശബ്ദങ്ങങ്ങളും സൂക്ഷ്മമായി കാതോർത്തു… ഇടതൂർന്ന കറുത്ത  തോളിനൊപ്പം  നിൽക്കുന്ന ജൂഡോയുടെ മുടി ഇടയ്ക്കിടെ ട്രീസയുടെ കവിളിൽ ഉരുമ്മി. ജൂഡോ ഒന്ന് നിന്നു, എന്തോ ഒരു ശബ്ദത്തിന് വേണ്ടി കാത് കൂർപ്പിച്ചു. ട്രീസ ചോദ്യ  ഭാവത്തിൽ അവനെ നോക്കി… തൊട്ടടുത്തെ ഒരു മരത്തിനു കീഴിൽ അവളെ ചാരിയിരുത്തി ജൂഡോ എങ്ങോട്ടോ ഓടി….

ഇതേ സമയം കാടിന്റെ പടിഞ്ഞാറ് ഭാഗം ലക്ഷ്യമാക്കി ഓടിയ കാളിയും കീരിയും കാടിനുള്ളിൽ അലയുകയായിരുന്നു. കലുമ്പൻ മല ലക്ഷ്യമാക്കി അവർ നടന്നു.