ബറാക്കയുടെ പ്രതികാരവും പ്രണയവും [ഫ്ലോക്കി കട്ടേകാട്] 90

ഇനിയും നോക്കി നിൽക്കാൻ എനിക്ക് കഴിയില്ല. അവൻ ആ കുന്തം ഉയർത്തി. ഇരു കൈകളും ചേധിച്ച അമ്മയുടെ ശരീരത്തെ കുന്തത്തിൽ കോർത്തു വായുവിൽ നിർത്തിയ അവന്റെ  ക്രൂരമായി ചിരിക്കുന്ന മുഖം, ജൂഡോയുടെ   ഉള്ളിൽ  തീ പടർത്തി.

മുന്നിലാരോ ഉപേക്ഷിച്ചിട്ടിരിക്കുന്ന മഴുവെടുത്തു അവനു നേരെ ജൂഡോ പാഞ്ഞു. കത്തികരിഞ്ഞു പാതി തകർന്ന തന്റെ വീടിന്റെ മൺ ചുവരിൽ വലതു കാൽ ചേർത്തു ചവിട്ടി വായുവിൽ കുതിച്ചു ചാടി, കുന്തം പിടിച്ചു അട്ടഹസിക്കുന്ന അവന്റെ കഴുത്തിൽ തന്റെ മഴു, ജൂഡോ  കുത്തിയിറക്കി. നിമിഷങ്ങളുടെ വ്യത്യാസത്തിൽ അവന്റെ രക്തം ജൂടോയുടെ മുഖത്തേക്ക് ചീറ്റി…. ജീവൻ നഷ്ടപെട്ട അവന്റെ കൈകളിൽ നിന്നും കുന്തത്തിന്റെ പിടിവിട്ടു. തൊട്ടടുത്തെ,  മണ്ണിൽ കുത്തി നിൽക്കുന്ന ഇരു തല കൂർത്ത കുന്തത്തിലേക് അമ്മ വീഴുന്നത് നിസ്സഹായനായി നോക്കി നിൽക്കാനെ ജൂഡോ ക്കു കഴിഞ്ഞോളു.  അമ്മയുടെ വയറു തുളച്ചു കയറിയ രണ്ടാമത്തെ കുന്തം അമ്മയുടെ ജീവൻ  പൂർണമായും എടുത്തു മാറ്റപ്പെട്ടു എന്ന് ജൂഡോ അറിഞ്ഞു.

ഈ ദൃശ്യങ്ങൾ കണ്ടുകൊണ്ട്, പാഞ്ഞു വന്ന മറ്റൊരു പടയാളി തന്റെ വാൾ ജൂടോയെ ലക്ഷ്യമാക്കി വീശി. അമ്മയുടെ വഴിയേ മരണത്തിലേക്കെന്ന പോലെ കണ്ണുകളടച്ച  ജൂഡോ, അവന്റെ വലിയ കരച്ചിൽ കേട്ട്  കൺ തുറന്നതും,  കൊരവള്ളി തകർന്നു കഴുത്തിനെ തുളച്ചു നിൽക്കുന്ന അമ്പ്!!! ജൂഡോ പിന്നിലേക്ക് നോക്കി…

“കാളി ”….. അവനു പിന്നിലായി ട്രീസ…

“ജൂഡോ…. പുറകെ വാ…..”

കാളിയും  ട്രീസയും  കത്തിയമരുന്ന കുടിലുകൾക്ക് പുറകിലൂടെ വയലിലേക്ക് ഓടി…. അമ്മയുടെ ചേതനയറ്റ ശരീരത്തെ ഒരു നോക്ക് കൂടി കണ്ടു.. ജൂഡോ അവർക്കു പിന്നാലെ പാഞ്ഞു. തന്നെക്കാൾ ഉയരത്തിൽ വിളഞ്ഞു നിൽക്കുന്ന കരിമ്പിൻ പാടങ്ങളിലൂടെ കാളിയും, ട്രീസയും ജൂഡോയും ഓടി….