ബറാക്കയുടെ പ്രതികാരവും പ്രണയവും [ഫ്ലോക്കി കട്ടേകാട്] 90

ബറാക്കയുടെ നിർമാതാവ് ടൈക്ക് ഒന്നാമന്റെ സ്മരണാർത്ഥം തുറമുഖത്തു നിലകൊണ്ട വലിയ പ്രതിമ, പകുതിയോളം തകർത്തു കൊണ്ട് ഫെർഗാസ് തന്റെ ആദ്യ ദൗത്യം പൂർത്തീകരിച്ചു. പ്രതിമ പൂർണമായും തകർത്ത് തരിപ്പണമാക്കാൻ തുനിഞ്ഞ തന്റെ  സൈന്യത്തിനോട് അരുതെന്ന് ഫെർഗാസ് കല്പന മുഴക്കി..

“പാതി തകർന്ന പ്രതിമ ഇനി മുതൽ ടൈക് ഒന്നാമന്റെ ഓർമയാവില്ല, പകരം ഫെർഗ്ഗസിന്റെ പോരാട്ട  വീര്യത്തെ പ്രതിനിധീകരിക്കും”

ചെറു പ്രായത്തിൽ തന്നെ ഫെർഗാസിനു കേളിയോടുള്ള അഭിനിവേഷം നാവിക സേന മേധാവി ആൽബിനോയെ അത്ഭുതം കൊള്ളിച്ചു

 
സാഫ്രയുടെ അനുജൻ!!! അവനും സാഫ്രയുടെ അതേ ചോരത്തിളപ്പല്ലേ വരൂ….

സാഫ്രയും ഫെർഗാസും കഴിഞ്ഞ മൂന്നു മാസക്കാലം ബറാക്കയുടെ നാനാഭാകങ്ങളിൽ അഴിച്ചുവിട്ട ക്രൂരതകൾക്ക് കണിക്കില്ലായിരുന്നു.

 
യുദ്ധം തുടങ്ങിയ  മൊട്ടേര നഗരത്തിന്റെ ഹൃദയ  ധമനി  എന്ന് പറയപ്പെടുന്ന ഗ്രീവീറ്റ നദി, ഒരു ദിവസം മുഴുവൻ ചെഞ്ചോര നിറത്തിൽ ഒഴുകി. കൊന്നൊടുക്കിയത് മനുഷ്യനെന്നോ മൃഗമെന്നോ തിരിച്ചറിയാൻ കഴിയാത്ത വിധം ശവങ്ങൾ വഹിച്ചു ഗ്രീവിറ്റാ കടലിനെ പുൽകി.

മൂന്നു മാസമായി നടന്നു കൊണ്ടിരിക്കുന്ന യുദ്ധതിന്റെ അവസാനം അത്യന്തം ഭീകരമായിയിരുന്നു.  ഭൂപടങ്ങളിൽ നിന്നും ബറാക്ക എന്ന രാജ്യം എടുത്തു മാറ്റപ്പെടും. ബറാക്ക രാജ്യം ഇനി മുതൽ “ഒക്കോവൻ “ രാജ്യത്തിന് കീഴിൽ ആയിരിക്കും. തൽഫലം “ഒക്കോവ”, കേവലം ഒരു രാജ്യം എന്ന പേരിൽ നിന്നും ഒരു സാമ്രാജ്യം എന്നതിലേക്കുള്ള ആദ്യ കാൽവെപ്പ് ആയിരിക്കും…..

യുദ്ധത്തിൽ ഒക്കോവൻ രാജ്യത്തെ സഹായിച്ച ഹൈപ്പിയൻ  രാജാവിനു ഉടമ്പടി പ്രകാരമുള്ള വാഗ്ദാനങ്ങൾ നല്കപ്പെടും.   ബന്ധികളാക്കപ്പെട്ട ബറാക്ക രാജ്യത്തിന്റെ മന്ത്രിമാരെയും സൈനികരെയും അടിമകളാക്കും. രാജ കുടുംബത്തിലെ മിക്കവരും കൊല്ലപ്പെട്ടു. ചിലരെ ബന്ധികളാക്കി, എന്നാൽ  കൊച്ചുമകൾ “നൈജ” മാത്രം രക്ഷപെട്ടു. പക്ഷെ എങ്ങോട്ട്