ബറാക്കയുടെ പ്രതികാരവും പ്രണയവും [ഫ്ലോക്കി കട്ടേകാട്] 90

കാര്യത്തിന്റെ ഗൗരവം മറ്റുള്ളവരുടെ മുഖത്ത് കൂടി പ്രകടമായി തുടങ്ങി. “മൊട്ടേര” നഗരം സാഫ്ര കീഴടക്കിയാൽ  അതൊരു വലിയ നഷ്ടം ആയിരിക്കും. രാജ്യത്തെ വലിയ  2 അണക്കെട്ടുകളിൽ ഒന്ന് സ്ഥിതി  ചെയുന്നത് മൊട്ടേര നഗര പരിധിയിൽ ആണ്.  ഗ്രീവിറ്റാ നദിക്ക് വശങ്ങളിലുള്ള ,  മലകളെ കൂട്ടിയോജിപ്പിച്ചു കൊണ്ട്  ടൈക് നാലാമൻ നിർമിച്ചതാണ് ഗ്രീവിറ്റാ അണക്കെട്ട്.  രാജ്യത്തിന്റെ വടക്കു കിഴക്കൻ മേഖലയുടെ നീണ്ട വേനൽകാലത്തെ അതിജീവിക്കാൻ വേണ്ടിയുള്ള നിർമിതി. അണക്കെട്ടിന്റെ നിർമാണത്തോടെ  ബറാക്കയുടെ മാത്രമല്ല അയൽ രാജ്യങ്ങളെക്കാളും  വലിയ കൃഷിയിടമായി ബറാക്കയുടെ വടുക്ക് കിഴക്ക് മാറി.

ശേഷം വന്ന  ടൈക് അഞ്ചാമൻ അന്നുള്ളതിലെ ഏറ്റവും വലിയ സ്വർണ ഘനി കൂടി കണ്ടത്തിയതിൽ പിന്നേ ബറാക്കയുടെ കേളി ലോകത്തെങ്ങും പരന്നു. കിടയറ്റ രാജാക്കന്മാരും  ഉപദേശകരും ബറാക്ക രാജ്യത്തെ ലോകത്തിനു നെറുകിൽ കൊണ്ടെത്തിച്ചു. എന്നാൽ ഇതിൽ അസൂയപൂണ്ട ബറാക്ക രാജ്യത്തിന്റെ അയൽരാജ്യങ്ങൾ ഒരുപാട് തവണ ബറാക്കയെ ആക്രമിക്കാൻ ശ്രമിച്ചെങ്കിലും പരാജയപ്പെടുകയായിരുന്നു.

കാലചക്രം മാറി. ഒക്കോവൻ രാജാവിനു  തന്റെ വെപ്പാട്ടിയിൽ ഉണ്ടായ  മകൾ, “സാഫ്രയും” അനുജൻ “ഫെർഗാസും” എന്തിനും പോന്ന രീതിയിൽ വളർന്നു വരികായിയിരുന്നു.

“സാഫ്ര”

ഒക്കോവൻ രാജാവ്, എബ്രയാനു തന്റെ എണ്ണിയാലോടുങ്ങാത്ത   വെപ്പാട്ടികളിൽ ഒന്നിലുണ്ടായ    മകൾ!!!.