ബറാക്കയുടെ പ്രതികാരവും പ്രണയവും [ഫ്ലോക്കി കട്ടേകാട്] 90

തന്റെ റാണിയിലെ മൂന്നു മക്കളും ഒന്നിനും കൊള്ളാത്ത പാഴുകളായതിൽ മനം നൊന്തിരിക്കുന്ന എബ്രയാൻ രാജാവിനു വെപ്പാട്ടിയിലൂടെ കിട്ടിയ ധീര.  സാഫ്ര കുട്ടിക്കാലം ചിലവഴിച്ചത് കൊട്ടാരത്തിനു പുറത്തായിരുന്നു. പാട്ടും നിർത്തവുമായി  ഒരു രാജകുമാരിയുടെ എല്ലാ അനുഗ്രഹങ്ങളും ആസ്വദിച്ചു പോന്ന തന്റെ അർദ്ധസാഹിദരി മണിവർണക്കയടക്കം മറ്റു രണ്ട് അർദ്ധസഹോദരങ്ങളിൽ നിന്നും  നേരെ എതിർപകർപ്പാണ് സാഫ്ര. ചെറുപ്പത്തിലേ ആയോധാന കലകൾ പഠിച്ചു. കൊട്ടാരത്തിന്റെ അന്തപുരങ്ങളിൽ തിളങ്ങുന്ന മേലാടകൾ അണിഞ്ഞു ചിരിക്കേണ്ട പ്രയാത്തിൽ സാഫ്ര പടച്ചട്ടയണിഞ്ഞു, മണ്ണിൽ വാൾപയറ്റി. യുവത്വത്തിന്റെ ആദ്യ നാളുകളിൽ തന്നെ സാഫ്ര തികഞ്ഞ ഒരു പോരാളിയായി മാറി.  കാലമത്രയും സാഫ്രയുടെ മനസ്സിൽ ഒന്നേ ഒള്ളു… ഒക്കോവയുടെ ഭരണ സിരാകേന്ദ്രത്തിൽ എത്തണം. അതിനുള്ള വഴി അവൾ വെട്ടി തുടങ്ങി…

“വാളിനെ സ്നേഹിച്ച പെണ്ണ്….. സാഫ്ര എബ്രിൻ!!!”  “വെപ്പാട്ടിയുടെ മകൾ”

സാഫ്രയുടെ അനിയൻ ഫെർഗാസ്!!!

തന്നെക്കാൾ 2 വയസ്സ് മാത്രം ഇളപ്പമുള്ള ഫെർഗാസിനെ സാഫ്ര എപ്പോഴും കൂടെ കൊണ്ട് നടന്നു. താൻ പഠിക്കുന്ന കലകളെല്ലാം അവൾ ഫെർഗാസിനെ പഠിപ്പിച്ചു. തന്റെ അയൽരാജ്യങ്ങളെ ശത്രുകളായി കാണാൻ പഠിപ്പിച്ചു. അവരുടെ മുതലുകൾ എങ്ങനെ കൊള്ളയടിക്കണം എന്ന് പഠിപ്പിച്ചു. തന്നെ ഏറെ പരിചരിക്കുന്ന സാഫ്രയെ, ഫെർഗാസിനും വലിയ കാര്യമായിരുന്നു.  ഫെർഗാസിന്റെ പതിനാറാം വയസ്സിൽ, സാഫ്ര  അവനെ നാവികസേന പരിശീലനത്തിന് വിട്ടു. 4 വർഷത്തെ കഠിന പരിശീലങ്ങൾക്കൊടുവിൽ കരയിലും കടലിലും യുദ്ധത്തിനു  പാകമായ,  എന്തിനും പോന്ന പോരാളിയായി ഫെർഗാസ് മാറി….