ബറാക്കയുടെ പ്രതികാരവും പ്രണയവും [ഫ്ലോക്കി കട്ടേകാട്] 90

അദ്ധ്യായം 3:രക്ഷപ്പെടുന്ന ജീവനുകൾ

അതിഭീകരമായ  ആക്രമണമായിരുന്നു സാഫ്ര നയിച്ച “ചക്രവ്യൂഹം” അഴിച്ചു വിട്ടത്, കിഴക്ക് നിന്നും ഓരോ നഗരങ്ങാളായി സാഫ്രയും വടക്കു നിന്നു  ഫെർഗാസും ബറാക്കയെ പിടിച്ചടക്കിയത് വ്യക്തമായ മുന്നൊരുക്കങ്ങൾ നടത്തിയിരുന്നു എന്ന് എബ്രയാൻ തിരിച്ചറിഞ്ഞിരുന്നു….

ഏറ്റവും അവസാനം ചക്രവ്യൂഹം, ബറാക്ക നഗരത്തിന്റെ പ്രാന്ത പ്രദേശങ്ങളിലെ ഗ്രാമങ്ങളെയാണ് ആക്രമിച്ചത്. സാഫ്രയും അഡ്രിയൻ ബെൻവയും ചേർന്നു നഗരം മുഴുവൻ ചോരപ്പുഴ ഒഴുക്കിയപ്പോൾ നഗരത്തിനു പുറത്ത് ബറാക്ക ഗ്രാമങ്ങൾ സാഫ്രയുടെ മറ്റൊരു സൈന്യം ചുട്ടെരിക്കുകയായിരുന്നു.

പുല്ലൂർ പേട്ട ഗ്രാമം….!

കത്തിയെരിയുന്ന  തന്റെ മൺകുടിലിനു പിന്നിൽ ജൂഡോ എന്ന ആ 14 വയസ്സുകാരൻ ഒളിഞ്ഞു നിന്നു. സാഫ്രയുടെ യുദ്ധ വെറിയമ്മാർ ആരെയും രക്ഷപെടാൻ അനുവദിക്കുന്നില്ല. വയോദികരെയും കുഞ്ഞുങ്ങളെ പോലും വെറുതെ വിട്ടില്ല. തന്റെ മുന്നിൽ കൈകളും കാലുകളും അറുത്തു മാറ്റപ്പെട്ടു ദേഹം കുഴുവൻ ചോരയിൽ കുളിച്ചു കിടക്കുന്ന ട്രീസയുടെ അമ്മയുടെ ശരീരത്തിലേക്ക് ജൂഡോ ഒന്ന് കൂടി നോക്കി. നിയന്ത്രണം വിട്ട്  കണ്ണുനീർതുള്ളികൾ  കവിളിലൂടെ  താഴേക്ക് പതിച്ചു കൊണ്ടിരുന്നു.