ബറാക്കയുടെ പ്രതികാരവും പ്രണയവും [ഫ്ലോക്കി കട്ടേകാട്] 90

ജൂഡോ അവളെ വിളിച്ചു എണീപ്പിച്ചു. കയ്യിലെ മുളയിൽ ശേഖരിച്ച വെള്ളം അവളുടെ വായിലേക്ക് പകർന്നു കൊടുത്തു.  വെള്ളം കൊണ്ട് അവളുടെ മുഖം വൃത്തിയാക്കാൻ തുടങ്ങി. ജൂഡോ, തന്റെ വലതു കൈവെള്ള ഒരു കുമ്പിൾ പോലെ പിടിച്ച് അതിൽ കുറച്ചു വെള്ളം നിറച്ചു, ശേഷം ട്രീസയുടെ മുഖത്തേക്ക് തെറിപ്പിച്ചു. മുഖത്തു പറ്റിയ ചോര  തുള്ളികൾ കഴുകി. അവളുടെ ചുവന്ന ചുണ്ടുകൾക്ക് താഴെ പൊട്ടിയ മുറിവിൽ വെള്ളമോഴിച്ചു…

സസ്സ്സ്സ്സ്സ്…….

ട്രീസ അറിയാതെ തന്നെ ഒരു പിടഞ്ഞു. ജൂഡോ പെട്ടന്ന് കൈ വലിച്ചു

ജൂഡോ : നോവുന്നോ??

ഒരു ജിമിഷം മൗനമായി തുടർന്ന  ട്രീസ ഇല്ല എന്ന അർത്ഥത്തിൽ തലയാട്ടി  അവളുടെ ചെവിക്കു മുന്നിൽ  മുടികൾ വെള്ളത്തിനാൽ കവിളിൽ ഒട്ടിപ്പിടിച്ചിരുന്നു. ട്രീസക്ക് അത്  വല്ലാത്ത അഴക് നൽകി.

ജൂഡോ : കുറച്ചു നടന്നാൽ ചെറിയ  അരുവി ഉണ്ട്… അരുവി അല്ല വെള്ളം ഒഴുക്കുന്ന ഒരു ഉറവ.. നടന്നാൽ ഒന്ന് വൃത്തിയാകാം….

ട്രീസയും ജൂഡോയും വീണ്ടും നടക്കാൻ ആരംഭിച്ചു ട്രീസക്ക് മുള്ളു  കൊണ്ട കാലിൽ വേദന എടുക്കുന്നുണ്ട് എങ്കിലും അതിനെ വക വെക്കാതെ നടന്നു. നാളെ സന്ധ്യക്ക്‌ മുന്നേ കൊലുമ്പൻ മലയിൽ എത്തണം, കാളിയും കീരിയും എവിടെ എന്ന് അറിയില്ല.. മനസ്സിൽ ഭയം കുടിയേറി….

ഉറവയിൽ നിന്ന് ഒഴുക്കുന്ന വെള്ളം കൈകുമ്പിളിൽ കോരിയെടുത്തു കൊണ്ട് ട്രീസ ഒരു കവിൾ കുടിച്ചിറക്കി. കൊടും കാട്ടിൽ ചീവിടുകളുടെ കാതടപ്പിക്കുന്ന ശബ്ദം ട്രീസ കാതോർത്തു. കാറ്റിൽ ആടുന്ന മുളങ്കോമ്പുകളുടെ ശബ്ദവും അതേ മരത്തിന്റെ ശിഖിരങ്ങൾ തെന്നിമാറുന്നതും ഭീകരമെന്നോണം ആയി തോന്നി. മുഖം കഴുക്കി കുറച്ചു വെള്ളം കുടിച്ചതും ക്ഷീണം തെല്ലോന്ന് അകന്നു. ജൂഡോ കുറച്ചു പഴങ്ങൾ ട്രീസക്ക് നേരെ നീട്ടി.. വിശപ്പൊന്ന് അടങ്ങിയതും..