ബറാക്കയുടെ പ്രതികാരവും പ്രണയവും [ഫ്ലോക്കി കട്ടേകാട്] 90

ബറാക്കയുടെ ഹൃദയം, ചോര കൊണ്ട് കളമെഴുതിയിരിക്കുന്നു l. ആരുടെയെന്ന് പോലും മനസ്സിലാകാത്ത വിധത്തിൽ തലയില്ലാത്തതും, കൈകലുകളില്ലാത്തതുമായ ശവങ്ങൾ കൊണ്ട് തെരുവ് നിറഞ്ഞിരിക്കുന്നു. പച്ചമാംസത്തിന്റെ ഗന്ധം അവളിൽ ഒക്കാനം  വരുത്തി. ജീവനറ്റ്  കിടക്കുന്ന ശവങ്ങളിൽ പക്ഷികൾ കൊത്തി വലിക്കുന്നുണ്ട്.  രക്തം കൊണ്ട് മണ്ണിബിന്റെ നിറം തന്നെ മാറിയിരിക്കുന്നു….

അതിനെല്ലാം നടുക്കിലൂടെ നൈജയെയും  കൊണ്ട് ഉറൂസോ നടന്നു. തകർന്നു കിടക്കുന്ന കെട്ടിടത്തിന്റെ അരികിൽ ഉറൂസോ അവളെ നിറുത്തി. തനിപ്പോൾ വരാമെന്നും, എവിടെയും പോകാതെ ആരുടേയും കണ്ണിൽ പെടാതെ നിൽക്കാനും അവൾക്കു നിർദ്ദേശം നൽകി….

+++++++++++++++++

ഒക്കോവ മുഴുവൻ കാട്ടു തീ പോലെ സാഫ്രയുടെ  വീരചരിതം പടർന്നു. ഒക്കോവ രാജാവ്  എബ്രയാൻ പോലും സാഫ്രയുടെ കേളിയിൽ മങ്ങിപ്പോയി. തന്റെ പൂർവികന്മാരുടെ സ്വപനം സാക്ഷത്കരിച്ച എബ്രയാൻ തന്റെ ഇഷ്ട ദൈവങ്ങളെ പ്രീതിപ്പെടുത്താൻ രാജ്യത്തെ പ്രധാന ദേവാലയത്തിൽ വലിയ മൃഗബലി തന്നെ നടത്തി. ശേഷം ഹൈപ്പിയൻ രാജാവ് ഫെർണാണ്ടൊയോടൊപ്പം  ബറാക്കയിലേക്ക് പുറപ്പെട്ടു.

ഇതേ സമയം ബറാക്ക കൊട്ടാരത്തിൽ സാഫ്രയും കൂട്ടരും ആഘോഷങ്ങൾ തുടങ്ങിയിരുന്നു. ബറാക്ക കൊട്ടാരത്തിന്റെ അന്തപുരങ്ങളും ഇടനാഴികളും നടപ്പുരയും മദ്യം കൊണ്ടും വേശ്യകളെ കൊണ്ടും നിറഞ്ഞു. ബറാക്കയുടെ ചരിത്രം തിരുത്തിയെഴുതാൻ പോന്ന പെൺസിംഹത്തിന്റെ കഥകൾ പാണന്മാർ പാടിതുടങ്ങി. വൈകാതെ തന്നെ സാഫ്ര അധികാരമേൽകാനുള്ള എല്ലാ ഒരുക്കങ്ങളും ചെയ്തു. തന്റെ സൈന്ന്യാധിപനായി  സാഫ്ര ഫെർഗാസിനെ മനസ്സിൽ കണ്ടു…..

++++++++++++++