ബറാക്കയുടെ പ്രതികാരവും പ്രണയവും [ഫ്ലോക്കി കട്ടേകാട്] 90

ബറാക്ക കൊട്ടാരം : ആക്രമണത്തിന് മുൻപ്

രാജാവ്, ടൈക്ക് പത്താമന്റെ അടിയന്തര യോഗം നടക്കുകയാണ്. രാജ്യത്തിന്റെ നാല്  പ്രധാന നഗരങ്ങളുടെ  ചുമതലയുള്ള മന്ത്രിമാരും, പ്രധാന മന്ത്രിയും, ഉപദേശകനും, രാജ്യത്തിന്റെ  സാമ്പത്തിക കാര്യവാഹകരും ഒപ്പം സൈനിക മേധാവിയും. കഴിഞ്ഞ ഒരുകാലത്ത് പോലും രാജ്യം നേരിടാത്ത പ്രതിസന്ധികളിലൂടെ ആണ് ഇപ്പോൾ  പോയികൊണ്ടിരിക്കുന്നത്. കിഴക്കൻ അതിർത്തി ഗ്രാമങ്ങളിൽ ഓക്കോവ  സൈന്യം  ആക്രമിച്ചിരിക്കുന്നു. 60 മെയിൽ അപ്പുറത്തുള്ള ഗ്രീവിറ്റാ നദിക്കു കുറുകെ കെട്ടിയ വലിയ അണക്കെട്ട് പിടിച്ചടക്കുക എന്നതാണ് അവരുടെ ലക്ഷ്യം. അത് പക്ഷെ എളുപ്പമല്ല എന്നത് സത്യമാണ്. പക്ഷെ അസാധ്യവുമല്ല  എന്ന സത്യം, ബറാക്ക രാജാവിനും വിസ്മരിക്കാൻ കഴിയുമായിരുന്നില്ല.

“കിഴക്കൻ അതിർത്തിയിൽ തമ്പടിച്ചിരിക്കുന്ന ശത്രുക്കളെ നയിക്കുന്നത് ഒക്കോവ രാജാവിന്റെ ജാര സന്തതി,  രാജകുമാരി “സാഫ്ര  എബ്രിൻ””

സൈന്യധിപൻ “ഉറുസോ”യുടെ വാക്കുകൾക്ക് കൂടിയിരിക്കുന്നവർ കാത് കൂർപ്പിച്ചു.

“ മൈ ലോഡ്, ദൂതന്മാർ നൽകിയ വിവരം അനുസരിച് കിഴക്കൻ ഗ്രാമങ്ങൾ ഒക്കോവൻ സൈന്യം കീഴടക്കി. ഒരു  ആക്രമണം നമ്മൾ പ്രതീക്ഷിച്ചിരുന്നു എങ്കിലും, ഇത്രയും പെട്ടന്നൊരു  ആക്രമണം നമ്മൾ പ്രതീക്ഷിചിരുന്നില്ല.

മൈ ലോർഡ്, വൈകാതെ തന്നെ സാഫ്ര, സൈന്യത്തെയും കൊണ്ട് മുന്നോട്ട് വരും അതിനു മുൻപ് അവരെ തടയണം..”

ടൈക് പത്താമൻ, തലയിൽ കൈവെച്ചു. തന്റെ തലയിലെ കിരീടം അദ്ദേഹത്തിന് വല്ലാത്ത ഒരു ഭാരമായി തോന്നി. മുൾകിരീഡത്തിനു പോലും ഇതിനേക്കാൾ സമാദാനം നൽകാൻ ആവുമായിരുന്നു. നൂറ്റാണ്ടുകളായി തന്റെ പിതാമഹാന്മാർ പടുത്തുയർത്തിയ “ബറാക്ക “ തന്നിലൂടെ ഇല്ലാതാവുമോ എന്ന ഭയം രാജാവിനെ വേട്ടയാടി തുടങ്ങി.