ബറാക്കയുടെ പ്രതികാരവും പ്രണയവും [ഫ്ലോക്കി കട്ടേകാട്] 90

ഇന്ന് സന്ധ്യക്ക്‌ മുൻപ്  മലയാടിവാരത്തിൽ എത്താം എന്ന് പറഞ്ഞതാണ്. കീരിയും കാളിയും എത്തിക്കാണും. മുറിവേറ്റ ട്രീസയുടെ കാലുകൾ തളർന്നു തുടങ്ങിയിരിക്കുന്നു. ജൂഡോയിലേക്ക്  അവൾ കൂടുതൽ ഭാരം നൽകുന്നതായി തോന്നി. ജൂഡോ പരിസരം നിരീക്ഷിച്ചു. ഇലകളിക്കിടയിലൂടെ ഊർന്നു വരുന്ന സൂര്യ  വെളിച്ചം ചുവപ്പായി തുടങ്ങിയിരിക്കുന്നു. സൂര്യൻ അസ്‌തമിക്കാൻ ഇനി അതികം താമസമില്ല. ട്രീസക്ക് നടക്കാൻ ആവുന്നില്ല. ഇനിയും ഇന്ന് നടക്കാൻ കഴിയില്ല ഇരുട്ടിയാൽ പിന്നെ വഴിതെറ്റാനും സാധ്യത ഉണ്ട്. ജൂഡോ സുരക്ഷിതമായ ഒരു സ്ഥലം തിരഞ്ഞു….

ഉയർന്നു നിൽക്കുന്ന നിറയെ വള്ളികൾ തൂങ്ങിയാടുന്ന ഒരു മരത്തിനു താഴെ ജൂഡോയും ട്രീസയും ഇരുന്നു. ഇരുട്ടിനു ശക്തി കൂടി വന്നു. ഒപ്പം തണുപ്പും. തീ കൂട്ടി ചൂട് കായാൻ ജൂടോക്കും ഭയം. വന്യ ജീവികളുടെ വിഹാര കേന്ദമാണ് കാട്. ഒരുപക്ഷെ ട്രീസക്ക് പരിക്കില്ലായിരുന്നു എങ്കിൽ ഇപ്പോൾ കലുമ്പൻ മലയാടിവാരത്തിൽ എത്തിയേനെ…..

അധികാലത്ത് തന്നെ ജൂഡോ എണീറ്റു. ശരീരം വല്ലാതെ തളരുന്നു. നിർജലീകരണം ശരീരത്തെ ശരിക്കും ബാധിക്കുന്നു. കുടിക്കാൻ ശേഖരിച്ച വെള്ളം ഇന്നലെ ട്രീസയുടെ മുറിവ് കഴുകാനും മറ്റും ഉപയോഗിച്ച് തീർത്തു. എണീറ്റ ഉടനെ ട്രീസയെ നോക്കി. ട്രീസ വല്ലാതെ വിറക്കുന്നുണ്ട്. ശരീരത്തിൽ കൈവെച്ചു നോക്കി. അവളുടെ ശരീരത്തിന്റെ ചൂട് കൂടിയിട്ടുണ്ട്. മുറിവ് അപകടമരാം വിധം ആകുന്നു എന്നതിനു തെളിവാണത്. ആ കൊടും കാട്ടിൽ എന്ത് ചെയ്യണം  എന്നറിയാതെ ജൂഡോ വിഷമിച്ചു….

അടുത്തെങ്ങാനും ഒരു അരുവിയുണ്ടോ എന്ന് നോക്കാൻ അവൻ ഓടി വെള്ളതിന്റെ ഒഴുക്ക് അവന്റെ കാതുകളിൽ പതിഞ്ഞു.. ശബ്ദം വരുന്ന ഭാകം ലക്ഷ്യമാക്കി അവൻ നീങ്ങി. ചെറിയ അരുവി  തെളിഞ്ഞ വെള്ളം. കയ്യിലുള്ള മുളകളിൽ ജൂഡോ വെള്ളം ശേഖരിച്ചു.  ശേഷം