ബറാക്കയുടെ പ്രതികാരവും പ്രണയവും [ഫ്ലോക്കി കട്ടേകാട്] 90

“ മടുപ്പ്”

ചോര കണ്ടു മടുത്തിരിക്കുന്നു….

ഡ്രാക്കർ തന്റെ ആത്മാവിനോട് തന്നെ സംസാരിച്ചു. ഇനിയും ആർക്കു വേണ്ടി ആണ്. കൊന്നും കൊല്ലിച്ചും കൊല വിളിച്ചും ജീവിച്ചു തീർത്ത ഈ ജീവിതം മടുത്തിരിക്കുന്നു. കൊട്ടാരത്തിലെ കുതിരാലയത്തിന്റെ കാവൽ കാരനായിരുന്നു ഡ്രാക്കറിന്റെ മുത്തശ്ശൻ.  കൊട്ടാരത്തിനു പുറത്തേക്ക് കുതിരക്കളെ മേയ്ക്കാൻ കൊണ്ടു വരും  അപ്പോൾ മുത്തശ്ശന്റെ കൂടെ കൂടം.. ചെറുപ്പത്തിലേ ഓർമകാളാണ് ഇതെല്ലാം.

തന്റെ പത്താം വയസ്സിലാണ്  മുത്തശ്ശൻ കൊല്ലപ്പെടുന്നത്. പതിവ് പോലെ കുതിരക്കളെ  മേയ്ക്കാൻ വന്ന മുത്തശ്ശനെ  ഒരു കൂട്ടം കൊള്ളക്കാർ വളഞ്ഞു, കുതിരക്കളെ കൊണ്ട് അവർ കടന്നു കളഞ്ഞു. ഓടിയെത്തിയ ഡ്രാക്കർ കാണുന്നത് ചങ്കിൽ തറച്ച കത്തിയെ പിടിച്ച് നിലത്തു കിടന്നു,  അകലുന്ന  ജീവനെ കുറിച്ചോർത്തു കരയുന്ന മുത്തശ്ശൻ. കൊള്ളക്കാർ ഉപേക്ഷിച്ചു പോയ കുതിരയിൽ കയറി അവരെ നോക്കി ഡ്രാക്കർ പാഞ്ഞു…

ഒരു പത്തു വയസ്സുകാരന്റെ എടുത്തു ചാട്ടം എന്ന് തെറ്റിദ്ധരിക്കേണ്ട. ഇരുട്ടിൽ ചെറിയ കൂടാരം കെട്ടി വിശ്രമിക്കാൻ ഇരുന്ന കൊള്ളക്കാരെ  കൂടാരമടക്കം കത്തിച്ചു കൊണ്ട്  അന്ന് ആ പത്തു വയസ്സുകാരൻ തന്റെ ധീരത തെളിയിച്ചു. ഇത് കേട്ടറിഞ്ഞ രാജാവ് അവനെ കൊട്ടാരത്തിലേക്കു ക്ഷണിച്ചു. 5 വർഷത്തെ പരിശീലനതിനോടുവിൽ കൊട്ടാരത്തിന്റെ കുതിരപ്പടയുടെ മേധാവിയായി മാറി ഡ്രാക്കർ. രാജാവ് മരിച്ചു, എബ്രയാൻ അധികാരമേറ്റതും  ആദ്യം ചെയ്തത്, ഡ്രാക്കേറിനെ  കരസേനയുട പൂർണ ചുമതല നൽകി… പിന്നീടങ്ങോട്ട്  ഡ്രാക്കർ ഒരു തേരോട്ടം തന്നെ നടത്തി. എബ്രയൻ രാജാവിനു വേണ്ടി ഹൈപ്പിയൻ അതിർത്തികളിൽ പോലും ചലനങ്ങൾ ഉണ്ടാക്കാൻ ഡ്രാക്കേറിനു  കഴിഞ്ഞു.