ബറാക്കയുടെ പ്രതികാരവും പ്രണയവും [ഫ്ലോക്കി കട്ടേകാട്] 90

“ പക്ഷെ എങ്ങനെ? “

“ പ്രഭോ, അണക്കെട്ട് ഗ്രീവിറ്റാ മലകൾക്ക് ഇടയിലാണ്. അവിടം വരെ എത്താൻ സാഫ്രയുടെ പട കാടിനകത്തു കൂടെ സഞ്ചാരിക്കണം. മാത്രമല്ല ചെങ്കുത്തായ ചെരിവുകൾ കയറി ഇറങ്ങുമ്പോഴേക്കും ആയുധങ്ങൾ വഹിച്ചു വരുന്ന അവരുടെ കുതിരകളും  പടയാളികളും ക്ഷീണിക്കും. മലയാടിവാരത്തിൽ വെച്ചു അവരെ വാളയാൻ നമുക്ക് കഴിഞ്ഞാൽ,  തിരിഞ്ഞോടാൻ പോലും കഴിയാതെ സാഫ്രയുടെ പട അവിടെ കുരുങ്ങും”

“അങ്ങനെയെങ്കിൽ എത്രയും പെട്ടന്ന് തന്നെ പട പുറപ്പെടട്ടെ”

“ഉത്തരവ് പോലെ, മൈ ലോർഡ്”….

എന്നാൽ  സൈനിക പട പുറപ്പെടും മുന്നേ തന്നെ ദൂതുമായി, കുതിരപ്പുറത്തു ചോരയോലിപ്പിച്ചു കൊണ്ട് ബറാക്കയുടെ പടയാളിയെത്തി. അവൻ അവന്റെ കയിലുള്ള കത്ത് രാജാവിനു കൈമാറി. മറു കയ്യിൽ വലിയ ഒരു കിഴിയും പിടിച്ചു രാജാവിനു മുന്നിൽ തല കുമ്പിട്ടു നിന്നു.

കത്തു കണ്ടതും ടൈക് പത്താമന്റെ മുഖം ഭീതിയിലാഴ്ന്നു. അദ്ദേഹം കത്ത് ഉറൂസൊക്ക് കൈമാറി…

“ബറാക്ക രാജാവിനുള്ള സമ്മാനം കൊടുത്തയച്ചിട്ടുണ്ട് സ്വീകരിച്ചാലും”

ഭടൻ തന്റെ കയ്യിലെ വലിയ കിഴി ഉറൂസൊക്ക് കൈമാറി. ഗ്രീവിറ്റാ അണക്കെട്ടിന്റെ കാവൽ സൈന്യത്തിന്റെ തലവന്റെ, വെട്ടി മാറ്റപ്പെട്ട തല രാജസദസ്സിൽ വീണു. കൂടിയിരിക്കുന്നവരെല്ലാം ഞെട്ടി തരിച്ചു. കിഴക്കൻ മേഖലിയെ ആക്രമണത്തിന് ശേഷം കേവലം രണ്ട് ദിവസമേ ആയിട്ടൊള്ളു. സാഫ്രയുടെ സൈന്യം വിശ്രമിക്കാതെ നീങ്ങിയാൽ പോലും 5 ദിവസമെടുക്കും ഗ്രീവിറ്റയിൽ എത്താൻ, പിന്നേ ഇതെങ്ങനെ സാധ്യമാകും????