ബറാക്കയുടെ പ്രതികാരവും പ്രണയവും [ഫ്ലോക്കി കട്ടേകാട്] 90

അദ്ധ്യായം 2 : അസ്തമയം, ഉദയം

ബറാക്കയുടെ ചരിത്രത്തിലെ തന്നെ ഏറ്റവും കഴിവ് കേട്ട ഭരണാധികാരി, ടൈക് പത്താമനോ, അദ്ദേഹത്തിന്റെ മറ്റു മന്ത്രിമാർക്കോ  ശത്രു രാജ്യത്തിന്റെ നീക്കങ്ങൾ അറിയാൻ കഴിഞ്ഞില്ല. കഴിഞ്ഞില്ല എന്നതിനേക്കാൾ അവർക്കതിനെല്ലാം സമയം ഉണ്ടായിരുന്നില്ല. കൊട്ടാരത്തിലെ സുഖലോഭങ്ങളും ആട്ടവും പാട്ടിനും നടുവിൽ സ്വന്തം രാജ്യം അപകടത്തിലാവുന്നത്  സൈന്ന്യാതിപ്പൻ ഉറൂസോ പല തവണ മുന്നറിയിപ്പുകൾ നൽകിയെങ്കിലും  രാജാവാടക്കം സകലരും അതിനെ എഴുതിത്തള്ളി.

ഇത്രയും സമ്പൽ സമൃദവും സൈനിക നാവിക ബലവുമുള്ള തങ്ങളുടെ രാജ്യത്തെ ആക്രമിക്കാൻ ഒക്കോവൻ രാജ്യത്തിനു കരുത്ത് പോരാ എന്നവർ ഘാടമായി വിശ്വസിച്ചു പൊന്നു. എന്നാൽ സകല പ്രതീക്ഷകളും തകിടം മരിച്ചു കൊണ്ട്, മഞ്ഞുകാലത്തിന്റെ ആരംഭം ബറാക്കയുടെ കിഴക്കൻ അതിരുകളിൽ  സാഫ്ര ആക്രമണം അഴിച്ചു വിട്ടു.

അതിർത്തി പ്രദേശങ്ങളിലെ ഗ്രാമങ്ങളിൽ നടത്തിയ സാഫ്രയുടെ കുതിരപ്പട, “ചക്രവ്യൂഹം “   സകലതും നശിപ്പിച്ചു കൊണ്ട് പിടിച്ചെടുത്തു. ഗ്രാമങ്ങളിലെ യുവാക്കളെയും കുട്ടികളെയും ബന്ധികളാക്കി. സ്ത്രീകളെ അടിമകളാക്കി. വായോധികരെയും  അതിർത്തി കാവൽ ഭടന്മാരെയും കൊന്നു കൊലവിളിച്ചു കൊണ്ട് സാഫ്ര തന്റെ ആദ്യ ആക്രമണം  ഒരു ഗംഭീര വിജയമാക്കി മാറ്റി.