ബറാക്കയുടെ പ്രതികാരവും പ്രണയവും

Author : ഫ്ലോക്കി കട്ടേകാട്

 
നമസ്കാരം…..

പണ്ടെന്നോ എഴുതി വെച്ച ഒരു ശ്രമം ആണിത്. ഒരു മൂഡ് അങ്ങ് കേറിയപ്പോൾ പൊടി  തട്ടി എടുത്തതാണ്. ഒറ്റയിരിപ്പിനു ചില മാറ്റങ്ങളും കൂട്ടിച്ചേർകലുകളും വരുത്തി. അപ്പുറത്ത് കഥ എഴുതിയിട്ടുണ്ട് എങ്കിലും ഇവിടെ ആദ്യമാണ്. നിങ്ങളുടെ അപിപ്രായങ്ങൾ പച്ചക്ക് പറയുക… മുന്നോട്ടുള്ള എന്റെ വഴി അതാണ്…

തീർത്തും ഫന്റാസി ഫിക്ഷൻ ആയ ഒരു കഥയാണ്. തുടക്കം മാത്രമാണ് ഈ ഭാഗം. അപിപ്രായങ്ങൾ അനുസരിച് ബാക്കി എഴുതുന്നതാണ്

ഈ കഥയിലെ . പേരുകൾ, ആചാരങ്ങൾ, ദൈവങ്ങൾ, രീതികൾ തുടങ്ങിയവയിൽ, ഇന്ത്യൻ, വെസ്റ്റേൺ, അറേബ്യൻ, ആഫ്രിക്കാൻ തുടങ്ങി കൂടിക്കലർന്നു വരും. അതിനൊന്നും ഒരു ലോജിക്കും അമ്മച്ചിയാണേ ഇല്ല,  സത്യം പറഞ്ഞാൽ അങ്ങനെ ഒരു ലോജിക്  ഇവിടെ ഇല്ല ???

മറ്റൊന്ന്,  വാക്ക്യങ്ങളിലെ വാക്കുകളുടെ   അപൂർണത, ക്രമത്തിൽ വരാത്ത വാജകങ്ങളിൽ ക്രമീകരിക്കുന്ന വാക്യങ്ങൾ, ഇങ്ങന ആണ് എന്റെ എഴുത്ത് രീതി. ശ്രദ്ധിച്ചു വായിക്കുക..

പുരാധനങ്ങളിൽ കാലഘട്ടം പോലും അടയാളപ്പെടുത്താത്ത ആ കാലം……..

വായിച്ചു തുടങ്ങുക

ബറാക്കയുടെ പ്രതികാരവും പ്രണയവും

ആമുഖം

“ജൂഡോ………….. ജൂഡോ………….

ആകാശം മുട്ടെ വളർന്നു നിൽക്കുന്ന മരങ്ങൾക്കിടയിൽ നിന്നു കൊണ്ട് “ട്രീസ” ഉച്ചത്തിൽ ആർത്തുവിളിച്ചു. കീരിയും കാളിയും എവിടെ എത്തിയിരിക്കും  എന്നറിയില്ല. സൈനികരെ കബളിപ്പിക്കാൻ വഴി മാറി സഞ്ചരിക്കേണ്ടത് അനിവാര്യമായിരുന്നു. “സാഫ്ര എബ്രിൻ”  നയിച്ച പട, ബറാക്ക നഗരത്തെ മുഴുവൻ വിഴുങ്ങി കളഞ്ഞു.  ബറാക്കയുടെ തുറമുഖം ഒരു മാസം മുമ്പ് തന്നെ സാഫ്രയുടെ  ഇളയ സഹോദരൻ “ഫെർഗാസ്” പിടിച്ചെടുത്തിരുന്നു. വെറും 22 വയസ്സുള്ള പോരാളിയുടെ ചങ്കുറപ്പിനു  മുന്നിൽ നൂറ്റാണ്ടുകളുടെ പഴക്കമുള്ള ബറാക്കയുടെ തുറമുഖം തകർന്നടിഞ്ഞു.