ബറാക്കയുടെ പ്രതികാരവും പ്രണയവും [ഫ്ലോക്കി കട്ടേകാട്] 90

എന്നാൽ ഇപ്പോൾ അതല്ല സ്ഥിതി തനിക്കു 45 വയസ്സായി, ഒക്കോവയുടെ സർവ സൈന്ന്യാതിപൻ  എന്ന നാമം ഉണ്ടെങ്കിലും, രാജാവിനു തന്നോട് പഴയ കൂറില്ല എന്ന് ഡ്രാക്കർ പതിയെ പതിയെ തിരിച്ചറിഞ്ഞ് തുടങ്ങിയിരിക്കുന്നു. മാത്രമല്ല  ഡ്രക്കർ ഇപ്പോൾ ഒരു വിശ്രമ ജീവിതം ആഗ്രഹിക്കുന്നു. ആകാരണമായി താൻ എബ്രയാന് വേണ്ടി ചെയ്ത കൊലപാതകങ്ങളും കൂട്ടകൊലകളും  ഡ്രാകാരിനെ ഉറക്കം ലഭിക്കാത്ത തരത്തിൽ വേട്ടയാടുന്നു…. ചോരയുടെ മണം  തന്റെ ശരീരത്തിൽ എപ്പോഴും പൊതിഞ്ഞു നില്കുന്നത് ഡ്രാക്കറിന് വല്ലാത്ത അസ്സ്വസ്ഥത തോന്നി…

“പ്രഭോ, അക്കത്തേക്ക് വരാൻ അനുവാദമുണ്ടോ ?”

കൂടാരത്തിനു മുമ്പിൽ നിന്നും പടയാളിയുടെ ആ വിളിയാണ് ഡ്രാക്കറിനെ ചിന്തകളിൽ നിന്നും ഉണർത്തിയത്.

“അകത്തേക്ക് വരൂ “

ഭടൻ അകത്തേക്ക് വന്നു. ഡ്രാക്കർ എന്താണ് എന്ന അർത്ഥത്തുൽ തലയാട്ടി.

“കുമാരി സാഫ്ര, അങ്ങയെ വിളിക്കുന്നു… ആഘോഷ രാവിൽ അങ്ങും പങ്കു ചേരണമെന്ന് കുമാരി ആഗ്രഹിക്കുന്നു. പ്രഭോ എത്രയും വേഗം കൊട്ടാരം നടപ്പുരയിൽ എത്താൻ ഉത്തരവ് ”

ശരിയെന്ന അർത്ഥത്തിൽ ഡ്രാക്കർ തലയാട്ടി….

ബറാക്ക കൊട്ടാരത്തിന്റെ ഇടനാഴിയിലൂടെ ഡ്രാക്കർ നടന്നു. ഒക്കോവയുടെയും  ഹൈപ്പിയൻ രാജ്യത്തിന്റെയും സൈനിക, ഉപദേശക തലവൻമാരും  മറ്റു പ്രധാനികളും ചില സൈനികരെയും കൊണ്ട് നടപ്പുര നിറഞ്ഞിരിക്കുന്നു.  മദ്യവും കറുപ്പും  നിറഞ്ഞൊഴുക്കുന്നു. കാമം കത്തുന്ന കണ്ണുകളുമായി നഗ്നരായ വേശ്യകൾ അവര്കുള്ള പാനീയങ്ങളും ഭക്ഷണങ്ങളും  കൊണ്ടു വെക്കുന്നു. മേശകളിൽ  വേശ്യകളെ ബോഗിക്കുന്നവരും ഉണ്ട്. നടപ്പുരയുടെ നടുക്ക് ഉച്ചത്തിലുള്ള ആർപ്പുവിളികൾ കേൾക്കാം, തന്റെ മുന്നിലുള്ളവരെ  വകഞ്ഞു മാറ്റികൊണ്ട് ഡ്രാക്കാർ അങ്ങോട്ട്‌ നടന്നു.