ബറാക്കയുടെ പ്രതികാരവും പ്രണയവും [ഫ്ലോക്കി കട്ടേകാട്] 90

ജൂഡോ : ഇവിടെ നിൽക്കാൻ കഴിയില്ല. അരുവിയിൽ വെള്ളം കുടിക്കാൻ മൃഗങ്ങൾ വരും, നമ്മൾ അവർക്ക് ഭക്ഷണമാകും. ഇരുട്ടും മുമ്പ് സുരക്ഷിതമായ സ്ഥലം കണ്ടെത്തണം.

ട്രീസ ഒന്ന് തലയാട്ടി… രണ്ട് പേരും കൂടി വീണ്ടും നടക്കാൻ ആരംഭിച്ചു.

++++++++++++

ബറാക്ക നഗരം….

ബറാക്കയുടെ ഹൃദയം സാഫ്ര കീഴടക്കിയിരിക്കുന്നു. രാജാവ് ടൈക് പത്താമനെ പിടിച്ചടക്കി, ചങ്ങലകൾ കൊണ്ട് ബന്ധിച്ചിരുന്നു. കൂട്ടത്തിൽ കൊട്ടാരം ഉപദേശകരും  ഒന്ന് രണ്ടു മന്ത്രിമാരും. എന്നാൽ ചില ഉപദേശകരും മറ്റും അവസാനം നിമിഷം സാഫ്രയോട് കൂറ് പ്രഖ്യാപിച്ചു. ഫെർഗാസ് ആക്രമിക്കാൻ ചെന്ന, സ്വർണ ഘനി ഉൾപ്പെടുന്ന  “സോപാർണ” നഗരത്തിന്റെ പ്രധാന മന്ത്രി “ഹാമിദ് അനീവ” ആയിരുന്നു ആദ്യം ഒക്കോവയോട് കൂറ് പ്രഖ്യാപിച്ചത്. സൈനിക നഷ്ടമില്ലാതെ തന്നെ ഫെർഗാസിന്റെ കരയിലെ ആദ്യ യുദ്ധം അവൻ ജയിച്ചു. ശേഷം ഫെർഗാസ് ബറാക്കയിലേക്ക് സൈന്യത്തെ നയിച്ചു. ഒരു ഭാകത്ത് സാഫ്രയുടെ ചക്രവ്യൂഹം, മറുഭാഗത് ഫെർഗ്ഗസിന്റെ പട, ബറാക്ക എളുപ്പം വീണു

തന്റെ കൊട്ടാരം പിടിച്ചടക്കി സകലരെയും കൂട്ടക്കൊല ചെയ്തു കൊണ്ട് സാഫ്ര ബറാക്കയുടെ  നഗര മൈതാനത്ത് തന്റെ സൈനികരെ അഭിസംബോധ ചെയ്തു….

ബറാക്ക മൈതാനം……

ബറാക്കയുടെ വർഷങ്ങളിലെ ഉല്സവങ്ങളുടെ കലാശകൊട്ടു നടക്കുന്ന മൈതാനം ആണ് ബറാക്ക മൈതാനം. ഓരോ 4 വർഷം കൂടുമ്പോഴും ബറാക്കയുടെ പ്രധാന ഉത്സവം നടക്കുന്നതും ആ സമയത്തെ വ്യാവസായികം നടക്കുന്നതും ഈ മൈഥാനത്തിന് ചുറ്റിലുമാണ്. ഉത്സവത്തിന്റെ അവസാന നാളുകളിലെ  കായിക മത്സരങ്ങൾക്ക് വേദിയാകുന്നത്  ഈ മൈഥാനമാണ്.

വട്ടത്തിൽ കെട്ടിപ്പൊക്കിയ വലിയ ഇരിപ്പിടങ്ങളാൽ ചുറ്റപ്പെട്ട ബറാക്ക മൈഥാനത്തിന് ചുറ്റും ബറാക്ക ഇന്ന് വരെ ഭരിച്ച നായകന്മാരുടെ പ്രതിമകൾ ഉണ്ട്. രാജാവിനു ഇരിക്കാൻ പ്രതേക ഇരിപ്പിടവും,  രാജാവിനു മാത്രമുള്ള വിശ്രമ മുറികളുമുള്ള വലിയ  മൈതാനം,  അതാണ് ബറാക്ക മൈതാനം.