ബറാക്കയുടെ പ്രതികാരവും പ്രണയവും [ഫ്ലോക്കി കട്ടേകാട്] 90

ഇതേ സമയം, അനുജൻ ഫെർഗാസ് ഒക്കോവയുടെ നാവിക ആസ്ഥാനത് തന്റെ ആദ്യ യുദ്ധതിനുള്ള പുറപ്പാടുകൾ നടത്തുകയായിരുന്നു. നാവിക സേന മേധാവി  ആൽബിനോ  ഫെർഗാസിനു വേണ്ട നിർദേശങ്ങൾ നൽകി.  ആൽബലിനോയുടെ വലങ്കയ്യയായി  കടലിലെ യുദ്ധ തന്ത്രങ്ങൾ നേരിട്ടറിയുന്നതിനായി ഫെർഗ്ഗസിന്റെ ഉള്ളം തുടിച്ചു.  ഒക്കോവയുടെ നാവിക ആസ്ഥാനത്ത് നങ്കൂരമിട്ട് കിടക്കുന്ന അഞ്ഞൂറോളം വരുന്ന കപ്പൽ പടയുടെ അമരത്തേക്ക് ഫെർഗാസ് നടന്നു. പോരാളികൾ എല്ലാം കപ്പലിൽ തങ്ങളുടെ ഇരിപ്പിടങ്ങളിൽ ഇരിപ്പുറപ്പിച്ചു. തൊഴിലാളികൾ തങ്ങൾക്കവിശ്യമായ ഭക്ഷണങ്ങളും വെള്ളവും ശേഖരിച്ചു  സംഭരണികളിൽ നിറച്ചു കൊണ്ടിരിക്കുന്നു. മുങ്ങൽ വിദഗ്ദരും കടലിന്റെ സ്വഭാവം മുൻകൂട്ടി അറിയാൻ കഴിവുള്ളവരുമായി ഒരു കൂട്ടം ഫെർഗാസിന്റെ കപ്പലിൽ കയറി.

“കൊടും തണുപ്പ് നിറഞ്ഞ ആ പുലർച്ചെ ഫെർഗാസിന്റെ കപ്പൽ പട ബറാക്കയുടെ നാവിക ആസ്ഥാനം  ലക്ഷ്യമാക്കി യാത്ര തിരിച്ചു”

കീഴക്കാൻ ഗ്രാമങ്ങളുടെ നഷ്ടം ടൈക്ക് പത്താമനു  വലിയ ആഘാതം സൃഷ്ടിച്ചു. കാര്യങ്ങളുടെ ഗൗരവം അദ്ദേഹം മനസ്സിലാക്കാൻ തുടങ്ങിയത് അവിടം മുതൽ ആയിരുന്നു. അദ്ദേഹം പെട്ടന്ന് തന്നെ സൈനിക തലവൻ ഉറൂസോയോ വിളിച്ചു ആക്രമണത്തെ എങ്ങനെ തടുക്കാം എന്നത് ആരാഞ്ഞു. ആക്രമണം പ്രതീക്ഷിച്ചിരുന്നു എങ്കിലും ഇത്രയും പെട്ടന്ന് ഇത്രയും ശക്തമായ ആക്രമണം ബറാക്ക പ്രതീക്ഷിച്ചില്ല എന്ന സത്യം അദ്ദേഹം രാജാവിനെ ബോധ്യപ്പെടുത്തി. അവരുടെ ലക്ഷ്യം ഗ്രീവിറ്റാ അണക്കെട്ട് ആണെന്നും അവിടേക്കു സാഫ്രയുടെ പടയെത്തുന്നത് തടയുകയാണ് നമ്മുടെ മുഖ്യ ലക്ഷ്യമെന്നും ഉറൂസോ അദ്ദേഹത്തെ ബോധ്യപ്പെടുത്തി.

“മൈ ലോഡ്, കിഴക്കൻ ഗ്രാമങ്ങളിലെ ആക്രമണത്തിനു ശേഷം സേഫ്രക്കും പടക്കും കുറഞ്ഞത് ഒരാഴ്ച വിശ്രമം വേണം. കിഴക്കൻ അതിർത്തിയിൽ നിന്നും അണക്കെട്ട് വരെ വലിയ പട സഞ്ചരിച്ചു എത്തുവാൻ കുറഞ്ഞത് 5 ദിവസമെങ്കിലും എടുക്കും. നമ്മുടെ സൈന്യത്തിന് അവിടെ എത്താൻ വേണ്ടത് 3 ദിവസം ആണ് ഒരു ദിവസത്തെ വിശ്രമം ലഭിച്ചാൽ മതിയാകും സാഫ്രയുടെ പടയെ നമുക്ക് തുരത്താൻ”