പ്രണയിനി [മാലാഖയുടെ കാമുകൻ] 2088

“ന്റെ ജോഷു… ദേവീ… “

അവളും അലറി കരഞ്ഞു കൊണ്ട് എന്നെ കെട്ടിപിടിച്ചു മുറുകിയപ്പോൾ അത് കണ്ടു നിന്ന എല്ലാവരുടെയും കണ്ണിൽ വെള്ളം നിറഞ്ഞിരുന്നു…

അല്പം കഴിഞ്ഞപ്പോൾ ഞാൻ അവളെ എന്നിൽ നിന്നും വിടർത്തി.. അകെ മൊത്തം കരഞ്ഞു കരഞ്ഞു തളർന്നിരുന്നു ഞങ്ങൾ..

“ഇത്രയൊക്കെ ചെയ്യാൻ എന്ത് തെറ്റാ ഞങ്ങൾ ചെയ്തെ? ചത്തില്ല എന്നെ ഉള്ളു…”

ഞാൻ എല്ലാവരെയും നോക്കി പറഞ്ഞു..

“പറഞ്ഞു തീർക്കാവുന്ന ഒരു വിഷയം.. അന്ന് അവളുടെ മുഖത്തിന് ഒരെണ്ണം കൊടുത്തിട്ടു നിനക്ക് അവളോട് പറഞ്ഞൂടാരുന്നോ? അല്ലെങ്കിൽ അവൾ പോയപ്പോൾ പുറകെ പോയി അവളെ വിടാതിരുന്നെങ്കിലോ? നാല് വർഷം ആണ് ജോഷു… എല്ലാവരും കരഞ്ഞു കരഞ്ഞു വയ്യാതായി… അത് കൊണ്ട് തമാശക്ക് ചെയ്തു എന്നെ ഉള്ളു.. ഇനി സന്തോഷം ആയി ഇരിക്ക്.. ക്ഷമിക്ക്.. കേട്ടോ?”

അവളുടെ അച്ഛൻ അതും പറഞ്ഞു എന്നെ കെട്ടിപിടിച്ചു.. ശരിയാണല്ലോ പറഞ്ഞത് എന്ന് എനിക്കും തോന്നി.. അന്ന് അവളെ വിടാതിരുന്നെങ്കിൽ…..
ഇനി പറഞ്ഞിട്ട് കാര്യമില്ല..

“വിഷമിച്ചു അല്ലെ മോനു?”
അമ്മ എന്നെ ഉമ്മവച്ചു.. അവളെയും..

സമാധാനം തോന്നി…. മുഖത്തു പുഞ്ചിരി വന്നു..

മുഹൂർത്തം ആയപ്പോൾ കയ്യിൽ തന്ന താലി ഞാൻ അവളുടെ കഴുത്തിന് നേരെ ഉയർത്തി..

കൈകൂപ്പി താലി കഴുത്തിൽ മുറുകുന്ന നിമിഷം കാത്തു കണ്ണടച്ച് നിൽക്കുന്ന എന്റെ പെണ്ണ്..

“കെട്ടിക്കോട്ടെ? “

ഞാൻ അവളോട് ചോദിച്ചു..

“പൂർണസമ്മതം… “

മറുപടി കിട്ടി… കെട്ടി.. അത്രയും ആളുകളെ സാക്ഷി നിർത്തി ദേവിയെ സാക്ഷി നിർത്തി അവളെ ഞാൻ എന്റെ സ്വന്തം ആക്കി..

അതെ സമയം ഉണ്ണി ഉണ്ണിമായയുടെ കഴുത്തിലും താലി കെട്ടിയിരുന്നു..