പ്രണയിനി [മാലാഖയുടെ കാമുകൻ] 2082

“എന്താ അച്ഛന്റെ പൊന്നു മോന് ഒരു ചിരി?”

ഞാൻ ചിരിക്കുന്നത് കണ്ടു അമ്മ എന്നെ ചോദ്യ ഭാവത്തിൽ നോക്കി..

“അമ്മയുടെ പൊന്നല്ലെ അപ്പൊ?”

“ആടാ ചക്കരെ…”

അമ്മ അത് കേട്ട് ചിരിച്ചു കൊണ്ട് വന്നു എന്റെ മുടി ഒക്കെ കൈകൊണ്ടു ഒതുക്കി കവിളിൽ ഒരു ഉമ്മ തന്നു..

“ഇന്നും വിറകു കീറിക്കാൻ ഉള്ള സോപിങ് ആണോ മമ്മി?”

“ഡാ നിന്നോട് പറഞ്ഞിട്ടുണ്ട് കണ്ട ശവങ്ങളെ വിളിക്കുന്ന പേര് എന്നെ വിളിക്കരുത് എന്ന്..”

“എന്താ ഇവിടെ?”

അച്ഛൻ രംഗപ്രേവേശം ചെയ്തു.. രാവിലെ നടത്തം ഒക്കെ കഴിഞ്ഞു വന്നതാണ്.

“അച്ചായാ ഇവൻ എന്നെ മമ്മി എന്നൊക്കെ വിളിക്കുന്നു…”

അമ്മ അച്ഛനോട് ചിണുങ്ങുന്നതു കേട്ടപ്പോൾ ഞാൻ ചിരിച്ചു…

“വയസായി.. എന്നാലും കിണുങ്ങലിനു ഒരു കുറവും ഇല്ല…”

ഞാൻ കളിയാക്കി..

“അത് നിന്നെ ഇട്ടിട്ടു പോയ മറ്റവളുടെ അച്ഛൻ… അയാൾക്ക് ആണ് വയസായത്.. ഷഹ്ഹ് അയ്യോ…”

അമ്മ അതും പറഞ്ഞു അബദ്ധം പറ്റിയത് പോലെ എന്നെ നോക്കി വിരല് കടിച്ചു..

“ഡീ നിന്നെ…..!”

അച്ഛൻ അമ്മക്ക് നേരെ കൈ ഓങ്ങിയപ്പോൾ അമ്മ ഒന്ന് പതുങ്ങി..

ആ ഒരൊറ്റ വാക്ക് എന്റെ മനസ് ഉലച്ചു… എന്റെ കണ്ണിൽ നിന്നും കണ്ണുനീർ വന്നു.. ഞാൻ വേഗം പുറത്തേക്ക് നടന്നു.

“മോനു….”

അമ്മ പുറകെ വന്നപ്പോൾ അച്ഛൻ അമ്മയെ തിരിച്ചു വിളിച്ചു..

ഞാൻ നേരെ പോയി പുറകു വശത്തെ തൊടിയിലേക്ക് ഇറങ്ങി..
കുറെ മരങ്ങൾ തിങ്ങി നിൽക്കുന്ന വൃത്തിയുള്ള തൊടി ആണ്.