പ്രണയിനി [മാലാഖയുടെ കാമുകൻ] 2082

ഞാൻ ഒരു മരത്തിന്റെ ചുവട്ടിൽ ഇരുന്നു.. കണ്ണിൽ നിന്നും വെള്ളം കുതിച്ചു ചാടുന്നു..

മറക്കാൻ ശ്രമിക്കുന്ന കുറെ ഓർമകൾ.. എല്ലാം വീണ്ടും വീണ്ടും വന്നു.. അമ്മയോടും എനിക്ക് ദേഷ്യം വന്നു… എല്ലാവരോടും ദേഷ്യം വന്നു..

“ഏട്ടാ…”

ഞാൻ തല പൊക്കി നോക്കി.. എന്റെ അനിയത്തി എസ്ഥേർ.

അനിയത്തി എന്ന് പറഞ്ഞാൽ ഞങ്ങൾ ട്വിൻസ് ആണ്. ആദ്യം ഭൂമിയിലേക്ക് അമ്മയുടെ വയറ്റിൽ നിന്നും തല കാണിച്ചത് ഞാൻ ആണ്..

“ലീവ് മി അലോൺ….”

ഞാൻ അതും പറഞ്ഞു തല താഴ്ത്തി… എന്നാൽ അവൾ വന്നു എന്റെ അടുത്തിരുന്നു എന്നെ കെട്ടിപിടിക്കുകയാണ് ചെയ്തത്..

“ഒറ്റക്ക് അങ്ങനെ വിട്ടു പോകാൻ പറ്റുമോ? ഒരുമിച്ചു വന്നവർ അല്ലെ നമ്മൾ? “

അവൾ എന്റെ തലയിൽ തലോടി. ഞാൻ കണ്ണടച്ച് മരത്തിൽ ചാരി ഇരുന്നു..

അവൾ എന്നെ കെട്ടിപിടിച്ചു തല തോളിൽ വച്ചു ഇരുന്നു..

ഓർമകൾ ചുട്ടു പൊള്ളിക്കുകയാണ്….

***

ഞാൻ.. ജോഷുവ ജസ്റ്റിൻ ജോൺ.. എല്ലാവരും ജോഷ് എന്ന് വിളിക്കും. അമ്മ ആനി ജസ്റ്റിൻ . അച്ഛൻ ജസ്റ്റിൻ ജോൺ. സഹോദരി എസ്ഥേർ ഹെലൻ ജോൺ.

അച്ഛൻ ഗോവെര്മെന്റ് സ്കൂൾ ഹെഡ്മാസ്റ്റർ ആയിരുന്നു. അമ്മ സാക്ഷാൽ കോട്ടയംകാരി അച്ചായത്തി.

അച്ഛൻ കോട്ടയത്ത് ആയിരുന്നപ്പോൾ ചാടിച്ചു കൊണ്ടുവന്നതാണ് ഇങ്ങോട്ട്..

പാലക്കാട് നിന്നും മാറി ഒരു സാധാ നാട്ടിൻപുറം ആണ് ഞങ്ങളുടെ നാട്. നാട്ടിൻപുറം എന്നാൽ ഇവിടെ അകെ ഉള്ളത് ഒരു ബാങ്ക്, സ്കൂൾ, കൊച്ചു ആശുപത്രി, അമ്പലം, പിന്നെ കുറച്ചു കടകളും.. അത്രേ ഉള്ളു.. അറിയാത്ത ആരും ഇല്ല.. സ്നേഹം ഉള്ള നാട്ടുകാർ..

ജാതി മതം അങ്ങനെ ഒന്നും ഇല്ല.. ഗ്രാമത്തെ കാക്കുന്ന ദേവി ആണ് എല്ലവർക്കും വലുത്..