പ്രണയിനി [മാലാഖയുടെ കാമുകൻ] 2088

അവൾ മുഖം പൊത്തി കരഞ്ഞു കൊണ്ട് എണീറ്റ് ഓടിയപ്പോൾ അന്തിച്ചത് ഞാൻ ആണ്.. അവൾ എന്താ ഈ പറഞ്ഞത്??

ഞാൻ പത്തു മിനിട്ടോളം അവിടെ തറഞ്ഞു ഇരുന്നു.. അത് കഴിഞ്ഞു എണീറ്റ് ഓടി..
ബൈക്ക് എടുത്തു വീട്ടിലേക്ക്.. നല്ല സ്പീഡിൽ ആണ് ഓടിച്ചത്..

ബൈക്ക് നിർത്തി ചാടി ഇറങ്ങി..

“എന്താ? എന്താ ഇത്ര ചാട്ടം?”

അമ്മ ചൂലും ആയി മുൻപിൽ..

“മാറി നിൽക്ക്‌ ശവമേ….”

“ഡാ….!!!!”

ഞാൻ ആ അലർച്ച ശ്രദ്ധിക്കാതെ ഓടി റൂമിൽ കയറി കതകടച്ചു..

വേഗം ലാപ്ടോപ് എടുത്തു തുറന്നു.. കൈ വിറക്കുകയായിരുന്നു.. ഫേസ്ബുക് തുറന്നു.. അന്ന് നിർത്തിയതാണ് എല്ലാം..

പാസ്സ്‌വേർഡ് ഒക്കെ റീസെറ്റ് ചെയ്തു ലോഗിൻ നടത്തി ഞാൻ വേഗം വിനീഷ് മേനോൻ പ്രൊഫൈൽ എടുത്തു.

അലറി വിളിക്കാൻ തോന്നി.. അവൻ ഏതോ പെണ്ണിന്റെ ഒപ്പം നിൽക്കുന്ന ഫോട്ടോ.. അപ്പോൾ അവൻ അവളെ കെട്ടിയിട്ടില്ല..

ഞാൻ വേഗം അവളുടെ പ്രൊഫൈൽ എടുത്തു.. ആക്റ്റീവ് അല്ല.. പേര് കണ്ടപ്പോൾ എനിക്ക് ഹൃദയം ചാടി മറിയുന്നത് പോലെ തോന്നി..
അഭിരാമി ജോഷ്‌..

അപ്പോൾ അപ്പോൾ?

ഏയ് ഇല്ല… അവളുടെ വീട്ടിൽ നിന്നാണ് അവളുടെ കല്യാണം കഴിഞ്ഞു എന്ന് പറഞ്ഞത്.. എന്റെ സന്തോഷം മൊത്തം പോയി.. ഛെ.. ഇനിയും എന്തിനാണ് ഇങ്ങനെ ആശിക്കുന്നത്?

ഫേസ്ബുക് ഉപയോഗിക്കാത്ത ആൾ പേര് മാറ്റിയില്ല.. അത്ര തന്നെ..

എനിക്ക് സങ്കടം വന്നു..

അന്നും ഉറക്കം വന്നില്ല..

പിറ്റേ ദിവസം ലീവ് ആക്കി… ഉച്ച ആയപ്പോഴും കിടന്നു മയങ്ങുകയായിരുന്നു ഞാൻ..