പ്രണയിനി [മാലാഖയുടെ കാമുകൻ] 2091

ഞാൻ തല കുനിച്ചു ഇരുന്നു..

“അഭി.. അമ്പലത്തിലേക്കാണോ?”

ഉണ്ണി ചോദിച്ചു..

“ഉവ്വ് ഉണ്ണിയേട്ടാ.. ദേവി കനിയുമോ ന്ന് നോക്കട്ടെ…”

അവൾ പതുങ്ങിയ ശബ്ദത്തിൽ പറഞ്ഞു മെല്ലെ നടന്നു പോയി.. വർഷങ്ങൾ കഴിഞ്ഞു ആണ് അവളുടെ ശബ്ദം കേൾക്കുന്നത്.. അവളുടെ നാടൻ സ്ലാങ് പോലും മാറിയിട്ടില്ല.

അവൾ കടന്നു പോയപ്പോൾ ഞാൻ തല പൊക്കി അവളെ ഒന്ന് നോക്കിയപ്പോൾ അവൾ തിരിഞ്ഞു നോക്കി..

കണ്ണിലെ ഭാവം എന്താണെന്നു അറിയുന്നില്ല… എന്റെ നെഞ്ചിൽ ഒരു വെള്ളിടി വെട്ടി..

ഞാൻ നോട്ടം മാറ്റി…

“നിനക്ക് എന്താ അവളെ ഒന്ന് നോക്കിയാൽ? അവൾ നിന്നെ നോക്കുന്നുണ്ടായിരുന്നു…”

ഉണ്ണി പരാതി പറഞ്ഞു…

“എന്തിനാടാ? ഇത്ര നാളും അകന്നല്ലേ ജീവിച്ചത്.. ഇനിയും അങ്ങനെ തന്നെ.. കൂടാതെ അവൾക്ക് ഫാമിലി ഒക്കെ ഉണ്ടല്ലോ…”

“മ്മ്മ് ശരിയാണ്.. ഫാമിലി വന്നിട്ടില്ല എന്ന് തോന്നുന്നു…”

“നിനക്ക് വേറെ ഒന്നും പറയാൻ ഇല്ലേ?”

എനിക്ക് ദേഷ്യം വന്നു. അതോടെ അവൻ നിർത്തി..

ഞാൻ കുറച്ചു കഴിഞ്ഞു വീട്ടിൽ വന്നു. രാത്രി ചപ്പാത്തിയും ചിക്കനും കഴിച്ചു കിടന്നു.

ഉറക്കം വന്നില്ല..

“ന്ത് രോമാ ഈ നെഞ്ചിൽ…. “

അവളുടെ ശബ്ദം വീണ്ടും ചെവിയിൽ…

എപ്പോഴോ ഉറങ്ങി..

രാവിലെ എണീറ്റ് ഓടാൻ പോയി. തിരിച്ചു വന്നു കുളി ഒക്കെ കഴിഞ്ഞു കഴിച്ചു ഡ്രസ്സ് മാറി ബാങ്കിലേക്ക്…

ആകെ നാല് പേര് മാത്രം ജോലി ചെയ്യുന്ന ബാങ്ക് ആണ് ഇത്.

ഉച്ച ആകാൻ നേരം. ഒരു മെയിൽ അയച്ചു കൊണ്ടിരുന്ന ഞാൻ ഡോറിൽ ഒരു മുട്ട് കേട്ട് “പ്ലീസ്‌ കം..” എന്ന് പറഞ്ഞു…

അകത്തു വന്ന ആളെ കണ്ടു ഞാൻ വിറച്ചു.. വിയർത്തു..
അഭിരാമി… ഒപ്പം ഒരു മൂന്ന് വയസു തോന്നുന്ന ഒരു ആൺ കുട്ടി.. .