പ്രണയിനി [മാലാഖയുടെ കാമുകൻ] 2088

പുറത്തെ സംസാരം കേട്ടിട്ട് ആകാം അകത്തു നിന്നും അമ്മയും പെങ്ങളും വന്നു..

എന്നെ കണ്ടു രണ്ടുപേരും ഒരുമിച്ചു ഓടി വന്നു കെട്ടിപിടിച്ചു കരഞ്ഞു. അതോടെ അച്ഛൻ ഞങ്ങളെ അകത്തേക്ക് വിളിച്ചു..

കാര്യങ്ങൾ ഒക്കെ കേട്ട് കഴിഞ്ഞ ഉടനെ അച്ഛൻ അവളുടെ അച്ഛനെ വിളിച്ചു..

അവളുടെ അമ്മാവൻ ആണ് ഫോൺ എടുത്തത്.. നിരാശയോടെ ഫോൺ വച്ച അച്ഛൻ തല കുനിച്ചു അവിടെ ഇരുന്നു..

“എന്താ അച്ഛാ?”

“അച്ചായാ അവർ എന്താ പറഞ്ഞെ?”

അമ്മയും ചോദിച്ചു..

“അവളുടെ കല്യാണം കഴിഞ്ഞു എന്ന്… ഇന്നലെ.. “

അതൊരു ഇടിമിന്നൽ പോലെ ആണ് ഞാൻ കേട്ടത്… താങ്ങാവുന്നതിലും അധികം ആയിരുന്നു അത്… എന്റെ ബോധം മറഞ്ഞത് പോലെ ഞാൻ നിലത്തു ഇരുന്നു..

****

നാല് വർഷങ്ങൾ…. കുറെ കരഞ്ഞു തീർത്തു.. അവൾ അമേരിക്കയിൽ പോയി എന്ന് അറിഞ്ഞു.

അവന്റെ ഒപ്പം ആയിരിക്കും… പിന്നെ അവളെ കണ്ടിട്ടില്ല.. ജാനറ്റ് ഓസ്‌ട്രേലിയയിൽ പോയി. അവൾ ഇടക്ക് വിളിക്കും.. സമാധാനിപ്പിക്കും..

ഞാൻ ബാംഗ്ലൂരിൽ നിന്നും ജോലി രാജി വച്ച് നാട്ടിൽ വന്നു.

കുറെ പഠിച്ചു ബാങ്കിൽ ജോലി നേടി എടുത്തു.. കഴിഞ്ഞ വർഷം ആണ് ഞാൻ ബാങ്ക് മാനേജർ ആയത്..

വേറെ പെണ്ണിനെപ്പറ്റി ആലോചിച്ചിട്ടില്ല.. അവളുടെ വീട്ടിൽ നിന്നും ആരും ഇങ്ങോട്ട് വന്നില്ല.. ഇവിടെ നിന്നും ആരും അങ്ങോട്ടും പോയില്ല..
ഇപ്പോഴും ഞാൻ അവർക്ക് അവരുടെ മകളെ ചതിച്ചവൻ ആണ്..

അവളെ പറ്റി ആരെങ്കിലും ഒരു വാക്ക് പറഞ്ഞാൽ എനിക്ക് കണ്ണിൽ നിന്നും കുടുകുടാ വെള്ളം വരും..

ഇത്ര സ്നേഹിച്ചിരുന്നു അവളെ ഞാൻ എന്ന് പോലും അവൾ പോയതിനു ശേഷം ആണ് അറിഞ്ഞത്..

****