പ്രണയിനി [മാലാഖയുടെ കാമുകൻ] 2091

പ്രണയിനി

മാലാഖയുടെ കാമുകൻ

ഇതൊരു സാധാരണ കഥ ആണ് എന്ന് ഓർമിപ്പിക്കുന്നു.. സമയമുണ്ടെങ്കിൽ മാത്രം വായിക്കുക… ❤️❤️

സ്നേഹത്തോടെ..

പ്രണയിനി..

കോഴിയും കൂവി അമ്പലത്തിലെ പാട്ടും കഴിഞ്ഞു അലാറം രണ്ടു പ്രാവശ്യം അടിച്ചിട്ടും, എട്ടു മണിയും കഴിഞ്ഞു സുഖമായി ഉറങ്ങുകയായിരുന്നു ഞാൻ..

“ഡാ എന്നീറ്റു വന്നേ.. കുറെ സമയമായി കേട്ടോ….”

അമ്മയുടെ ലാസ്റ്റ്‌ വാണിംഗ് കൂടെ കേട്ടപ്പോൾ ഞാൻ ചാടി എണീറ്റു..

ഇനി കിടന്നാൽ സാക്ഷാൽ കാളി ആയിരിക്കും ഇങ്ങോട്ട് വരുന്നത്.. എന്തിനാ വെറുതെ..

ഞാൻ വേഗം ബാത്ത്റൂമിൽ കയറി ഒന്ന് ഫ്രഷ് ആയി നേരെ അടുക്കളയിലേക്ക് നടന്നു.

“അമ്മെ… ചായ……”

“കിടന്നു അലറല്ലേ.. ധാ വരുന്നു…”

അതും പറഞ്ഞു അമ്മ കുറച്ചു വിറകും എടുത്തു അകത്തു വന്നു.. ഇന്നലെ ഞാൻ കീറിയ വിറക് ആണ്. ഒരു വലിയ തടി മൊത്തം സൊപ്‌ ഇട്ടു എന്നെക്കൊണ്ട് കീറിച്ചു.. ഓഫർ ബീഫ് ഫ്രൈ ആയിരുന്നു..

അതിൽ തലയും കുത്തി വീണു..

“അവളെവിടെ?”

അമ്മ തന്ന ചായ ഒന്ന് രുചിച്ച ശേഷം ഞാൻ ചോദിച്ചു..

“തുണി അലക്കുന്നു… നിന്നെപ്പോലെ അല്ല.. രാവിലെ എണീക്കും അവൾ..”

“ഒഹ്‌.. ഞാൻ പാവം.. അമ്മെ രാവിലെ എണീറ്റിട്ടു എന്ത് കാണിക്കാൻ ആണ്? അവധി അല്ലെ? “

“എന്താണെങ്കിലും അങ്ങനെ കിടക്കേണ്ട.. “

അമ്മ അതും പറഞ്ഞു കത്തുന്ന അടുപ്പിലേക്ക് വിറകു കയറ്റി വച്ചു. ഞാൻ അമ്മയെ ഒന്ന് നോക്കി. 49 വയസ് ആയി അമ്മക്ക്..

പണ്ട് അച്ഛന്റെ ഒപ്പം രാത്രി മതില് ചാടി വന്ന മുതൽ ആണ് ഇത്..

എനിക്ക് ചിരി വന്നു. അതൊക്കെ ഇടക്ക് ഇരുന്നു ബാഹുബലി പന വളച്ചത്‌ പോലെ പറയും. ഇരുന്നു കേട്ടില്ലെങ്കിൽ പിന്നെ അത് മതി പിണങ്ങാൻ.. കൊച്ചു കുട്ടികളുടെ സ്വഭാവം ആണ്..
മെയിൻ ഹോബി എന്താണെന്നു ചോദിച്ചാൽ എന്നോട് തല്ലുപിടിക്കൽ…