നിയോഗം Conclusion(മാലാഖയുടെ കാമുകൻ) 3007

ബലിക്കല്ല് തകർന്നതോടെ അവൾക്ക് കിട്ടിയ ശക്തി കുറഞ്ഞിരുന്നു..

എന്നാലും അവൾ എഴുന്നേറ്റ് നിന്നു.. കയ്യിൽ നിന്നും ഇരുമ്പു ചങ്ങല വലിച്ചെടുത്തു.. അത് അവൾ നിലത്തേക്ക് ആഞ്ഞു അടിച്ചപ്പോൾ അത് ജ്വലിക്കാൻ തുടങ്ങി..

അവൾ ഒന്നുകൂടെ അലറി.. എഴുന്നേറ്റ് വന്ന വയലിനെ അവൾ ശക്തമായി ചങ്ങല വച്ച് അടിച്ചപ്പോൾ വയലിൻ ആ ചങ്ങലയിൽ കുടുങ്ങി കിടന്നു.. അവൾ കിടന്നു പിടച്ചു എങ്കിലും അവൾക്ക് അനങ്ങാൻ പോലും കഴിഞ്ഞില്ല.. അവളുടെ വില്ല് തെറിച്ചുപോയിരുന്നു

എലാക്കേൽ ഒന്നുകൂടെ അലറി.. അതിന് ശേഷം ചങ്ങല വച്ച് ഒന്ന് ചുഴറ്റിയപ്പോൾ വീശി അടിച്ചപ്പോൾ ആ ചങ്ങലയുടെ അറ്റം വേറെ ഒരാൾ പിടിച്ചു വച്ചു.. ആ പിടിച്ച ആളിലേക്ക് അതിൽ നിന്നും തീ ജ്വാല കയറി..

അവിടേക്ക് നോക്കിയപ്പോൾ റോഷൻ ഒരു ഞെട്ടലോടെ പുറകിലേക്ക് മാറി.. എലാക്കേൽ തന്നെ. അവളുടെ ഒരു പകർപ്പ്.. അവൾ പിടിച്ചെടുത്ത ചങ്ങല വലിച്ചപ്പോൾ അത് നെടുകെ പൊട്ടി..

രണ്ടു എലാക്കേൽ ഒരുമിച്ചു നിൽക്കുന്നു.. അവർ രണ്ടുപേരും ഒരുമിച്ചു കുതിച്ചു വന്നപ്പോൾ റോഷൻ ഒന്ന് പതറി..

നെഞ്ചിലാണ് അടി കുടുങ്ങിയത്.. ഒരു പാറക്കെട്ടും തകർത്തുകൊണ്ടാണ് അവൻ അലർച്ചയോടെ തെറിച്ചു വീണത്..

വീണു ഉരുണ്ടുപോയി നിലത്തു കൈകൾ കുത്തും മുൻപേ അവന്റെ ദേഹത്തേക്ക് ചങ്ങല ശക്തമായി പതിച്ചു.. അലറി അവൻ.. അവനെ കാലിൽ പിടിച്ചു വലിച്ചെറിഞ്ഞ എലാക്കേൽ രണ്ടുപേരും മിന്നൽ വേഗതയിൽ വാളുമായി അവന്റെ നേരെ വീണ്ടും കുതിച്ചു ചെന്നു..

അവർ തൊട്ടടുത്തെത്തിയപ്പോൾ അവർ പോലും പ്രതീക്ഷിക്കാതെ വല്ലാത്ത വേഗതയിൽ മുകളിലേക്ക് ചാടി മറിഞ്ഞു വായുവിൽ ഒന്ന് വട്ടം കറങ്ങി ഒരു മുട്ട് കുത്തി റോഷൻ നിന്നത് കയ്യിൽ വില്ലും ആയിട്ടാണ്..

ലക്ഷ്യം തെറ്റിയ രണ്ടുപേരും ഒരുമിച്ചു തിരിഞ്ഞു.. റോഷൻ വില്ലു വലിച്ചു ഒരു മുട്ട് കുത്തി നിൽക്കുന്നതാണ് അവർ കണ്ടത്.. ഡിസ്ട്രോയെർ വില്ലിന്റെ രൂപത്തിൽ..

അവൻ ഒരു ചിരി ചിരിച്ചു കൊണ്ട് മിന്നൽ വേഗതയിൽ വില്ലിന്റെ ചാൺ ആഞ്ഞു വലിച്ചു വിട്ടുകൊണ്ടിരുന്നു.. ഒരു നിമിഷത്തിൽ നൂറു കണക്കിന്..