നിയോഗം Conclusion(മാലാഖയുടെ കാമുകൻ) 3006

“ഈ നിമിഷം ധന്യമാക്കാൻ ഞങ്ങളുടെ സാമീപ്യം ഇവിടെ വേണമെന്ന് തോന്നി.. ചടങ്ങുകൾ നടക്കട്ടെ..”

ഒരു ദേവത അത് പറഞ്ഞുകൊണ്ട് മുൻപോട്ട് വന്നു.. അവളുടെ കയ്യിൽ ഒരു കിരീടം വന്നു..

സ്വർണ നിറത്തിൽ വെട്ടിത്തിളങ്ങുന്ന കിരീടം. അതിൽ ഇരു വശത്തേക്കും വളഞ്ഞു നിൽക്കുന്ന രണ്ടു കൊമ്പുകൾ.. നെറ്റിയുടെ ഭാഗത്ത് 17 നിറത്തിൽ ഉള്ള രത്‌നങ്ങൾ.. അതിൽ സൂര്യന്മാരുടെ വെളിച്ചം തട്ടിയപ്പോൾ ആളുകളുടെ കണ്ണുകൾ മങ്ങി.

ദേവത കിരീടത്തിനെ ഇഗ്ഗിയാത്തിനായുടെ കയ്യിലാണ് കൊടുത്തത്.. അവൾ അത് വാങ്ങി.. കാഹളങ്ങൾ മുഴങ്ങി.. ചുറ്റിനും നിന്ന മൃഗങ്ങൾ അലറി വിളിച്ചു..

ജൂൺ കൈ പൊക്കിയപ്പോൾ ആകാശത്തു നിന്നും പുഷ്പങ്ങൾ നിലത്തേക്ക് മഴപോലെ വീണു കൊണ്ടിരുന്നു.

റെഡ് എയ്ഞ്ചൽ അവനെ സിംഹാസനത്തിൽ ഇരുത്തി.. ഉടനെ ഇഗ്ഗിയാത്തിയാന ആ കിരീടം അവന്റെ തലയിലേക്ക് വച്ച് കൊടുത്തു..

അത് തലയിൽ വച്ചതും റോഷൻ കണ്ണുകൾ അടച്ചു.. അതിന്റെ ശക്തി അവന് ബോധ്യമായി.. ഇരച്ചു കയറുന്ന ശക്തി..

റെഡ് എയ്ഞ്ചൽ കൈ ആകാശത്തേക്ക് നീട്ടി.. അലറിവിളിച്ചു.. ഉടനെ ഇഗ്ഗിയാത്തിന അവളുടെ ആയുധം എടുത്തു മുകളിലേക്ക് എറിഞ്ഞു..

ഘോരമായ മിന്നലുകളും ഇടി മുഴക്കവും കൊണ്ട് ഗ്രഹം നിന്ന് വിറച്ചു… സർവ ലോകത്തെയും പുതിയ രാജാവ് സ്ഥാനോഹരണം നടത്തി എന്ന് അറിയിക്കാനുള്ള ഒരു മാർഗം..

ആ പ്രകമ്പനം സർവ ലോകത്തും എത്തി..

****

“തകർന്നിരുന്ന പല ഗ്രഹത്തിലെയും ആളുകൾ ഇനി ഇവിടെ ഉണ്ടാകും.. അവർക്ക് പുതിയൊരു വീട്.. അതായിരുന്നു ഉദ്ദേശം.. ഒപ്പം ഞങ്ങളുടെ പുതിയ രാജാവിന് ഒരു കൊട്ടാരം..”

മേയ്‌വൂൺ ക്വീൻ പറഞ്ഞത് കേട്ടപ്പോൾ റോഷൻ അവളെ നോക്കി..

“അമ്മേ വേണ്ടാ…ഞാൻ രാജാവ് ഒന്നുമല്ല.. അമ്മയുടെ മകൻ.. അങ്ങനെ മതി. നിങ്ങളെ ആരെയും നിരാശപ്പെടുത്തേണ്ട എന്ന് കരുതിയാണ് ഞാൻ ഇതിന് നിന്നത് തന്നെ..”

അവൻ പറഞ്ഞപ്പോൾ അവൾ ചിരിച്ചു..

“അറിയാമായിരുന്നു. എന്നാലും എന്നെ നിരസിക്കാൻ നിനക്ക് ആവുമോ.. ഞാൻ നിന്റെ അമ്മയല്ലേ..”

അവൾ അവനെ ചേർത്ത് പിടിച്ചു..

“അമ്മയാണ്.. എന്നും..”

“നിനക്ക് ജനങ്ങളോട് എന്തെങ്കിലും പറയാൻ ഉണ്ടോ..?”

അവൾ ചോദിച്ചപ്പോൾ അവൻ എഴുന്നേറ്റ് നിന്നു..