നിയോഗം Conclusion(മാലാഖയുടെ കാമുകൻ) 3008

“നോ ബേബി.. അവർ എന്റെ പുറകെ ഉണ്ടായിരുന്നു.. വഴിയിൽ നിന്നും കണ്ടതാണ്.. എന്നെ കൂട്ടി ഇവിടേക്ക് വന്നു. ഐ ഡോണ്ട് അണ്ടർസ്റ്റാൻഡ് എനിതിങ്.. “

അവൾ വിറയലോടെ പറഞ്ഞപ്പോൾ കണ്ടു.. അവർ അവിടെ ഇരുന്നു.. അൽപ നേരം കഴിഞ്ഞു..

ഡോറും ചവുട്ടി പൊളിച്ചു ഒരാളെ ഒരു കാലിൽ പിടിച്ചു പഴംതുണി ചാക്ക് പോലെ വലിച്ചു കൊണ്ടുവരുന്ന റോഷൻ.

അവന്റെ പുറകിൽ ഇരുപതോളം പെൺകുട്ടികൾ.. അവൻ വന്നു അയാളെ വലിച്ചു നിലത്ത് ഇട്ടു പെൺകുട്ടികളെ സമാധാനിപ്പിക്കുന്നത് കണ്ടു അവർ ഇരുന്നു. അതിൽ ചിലർ അവനെ കെട്ടിപിടിച്ചു കരയുന്നുണ്ടായിരുന്നു..

അവൻ വണ്ടിക്ക് നേരെ വന്നു..

“ഇവിടെ നടന്നത് ആരും അറിയരുത്.. നിങ്ങൾ വന്നപ്പോൾ ആളുകൾ ഇവിടെ അടി കൊണ്ട് കിടക്കുന്നുണ്ടായിരുന്നു. ഇത് പത്രക്കാർ ചോദിച്ചാൽ മാത്രം പറയാൻ ഉള്ളതാണ്. പോലീസ് ഒന്നും ചോദിക്കില്ല.. ബൈ.. ആൻഡ് താങ്ക്സ് വേണ്ട.. സീ യു…നന്മയുള്ളവർ ആണ് നിങ്ങൾ.. ഇനി ഇതുപോലെ എന്ത് കണ്ടാലും എന്ത് ചെയ്യണം എന്നറിയാമല്ലോ അല്ലെ..?”

റോഷൻ അവന്റെ കവിളിൽ ഒന്ന് തട്ടി ചുറ്റും നോക്കി. കുറച്ചു ബൈക്കുകൾ കിടക്കുന്നുണ്ട്. അവൻ ചെന്ന് ഒരു ബജാജ് പ്ലാറ്റിനയിൽ കയറി.

അതിന്റെ ലോക്ക് പൊട്ടിച്ചു ഏതോ വയറുകൾ ഒരുമിച്ചു വലിച്ചു പൊട്ടിച്ചു സ്റ്റാർട്ട് ആക്കി.. അവൻ ആ ബജാജ് പ്ലാറ്റിന ഓടിച്ചു പോകുന്നതും നോക്കി അവൻ ഇരുന്നു..

അവൾ പെൺകുട്ടികളെ ചേർത്ത് പിടിച്ചു നിക്കുന്നുണ്ടായിരുന്നു.

പതിനഞ്ചു മിനുട്ടോളം ആയപ്പോൾ ചീറി പാഞ്ഞു പോലീസ് വണ്ടികൾ വന്നു.. അതിൽ നിന്നും ആദ്യം ഇറങ്ങിയത് എസിപി മൊണാലിസ ആണ്..