നിയോഗം Conclusion(മാലാഖയുടെ കാമുകൻ) 3006

“നീയിപ്പോൾ ഒരു രാജാവ് ആണ്.. ഉടനെ നിന്റെ സ്ഥാനം ഞങ്ങൾ നിർവഹിക്കും..”

അവൾ പറഞ്ഞപ്പോൾ അവൻ അത് വേണോ എന്ന രീതിയിൽ നോക്കി.. അവന് അതൊന്നും ഇഷ്ടമല്ലായിരുന്നു. പക്ഷെ അമ്മ പറയുന്നത് കേൾക്കാതിരിക്കാൻ കഴിയില്ല.

അവൾ ചിരിച്ചുകൊണ്ട് അവന്റെ കയ്യും പിടിച്ചു നടന്നു.. പുറകെ ബാക്കിയുള്ളവരും.

****

മെയ്‌വൂണിൽ ദിവസങ്ങൾ കടന്നുപോയി.. അവരെ മെയ്‌വൂണിന്റെ ഭാഗമായിതന്നെ എല്ലാവരും കരുതി.. ഒത്തിരി സന്തോഷത്തിൽ ആയിരുന്നു അർച്ചനയും മീനുവും മെറിനും ലിസയും..

റോഷനെ മൂന്ന് ദിവസത്തേക്ക് ഒരു മുറിയിൽ അടച്ചിട്ടു.. സ്ഥാനം ഏല്ക്കുന്നതിന് മുന്നോടിയായി ഉള്ള ഒരു ചടങ്ങാണത്..

ഇന്നാണ് സ്ഥാനോഹരണം..

അവനെ രാവിലെ എഴുന്നേൽപ്പിച്ചത് ട്രിനിറ്റി ആണ്.. കഴിഞ്ഞ മൂന്ന് ദിവസം ആയി അവൻ ഒറ്റക്ക് ഒരു റൂമിൽ ആയിരുന്നു..
മാനസികമായി തയ്യാറെടുക്കാൻ വേണ്ടിയാണ് അങ്ങനെ അവനെ ഇട്ടതും..

വെറും വെള്ളം മാത്രമാണ് ഉണ്ടായിരുന്നത്.. പക്ഷെ അവന്റെ മനസിന്റെ ശക്തി കൂടിയിരുന്നു..അവൻ ധ്യാനിച്ച് മനസിനെ വളരെ ശക്തമാക്കി.

ട്രിനിറ്റി അവന് തേനും പഴങ്ങളും എത്തിച്ചിരുന്നു.. അവൻ കുളിച്ചു വന്ന ശേഷം അത് കഴിച്ചു..

അപ്പോഴേക്കും ക്വീൻ കൂടെ അവിടേക്ക് വന്നു.. അവളുടെ കയ്യിൽ തുണിയിൽ പൊതിഞ്ഞ ഒരു വലിയ പെട്ടി ഉണ്ടായിരുന്നു..

അവൾ അത് മേശയിൽ വച്ച് തുറന്നു.. അവനുള്ള വേഷം ആയിരുന്നു അത്..

കടും നീല നിറത്തിൽ മുട്ടോളം എത്തുന്ന വേഷം. അതിൽ നിറയെ സ്വർണത്തിൽ അലങ്കാരങ്ങൾ.. കൈകളിൽ ഇടുന്ന ഭാഗത്തിൽ ലോഹത്തിൽ തീർത്ത തിളങ്ങുന്ന ഇരുമ്പു പാളികൾ.. നെഞ്ചിലും തോൾ ഭാഗത്തും വരുന്ന വജ്രശോഭയുള്ള ഒരു ഷീൽഡ്..

മുട്ടോളം എത്തുന്ന ഷൂസ്.. അതിലും നിറയെ സ്വർണ അലങ്കാരങ്ങൾ ആണ്..

അവനെ അത് ധരിപ്പിച്ചത് ട്രിനിറ്റി ആണ്.. ഭാരം ഉള്ള വേഷം.. പക്ഷെ അത് ഇട്ടു കഴിഞ്ഞപ്പോൾ അവന്റെ ഗാംഭീര്യം വളരെ വലുതായിരുന്നു.. മുടി നീണ്ടിരുന്നു അവന്റെ.. അത് പുറകിലേക്ക് ചീകി ഒതുക്കി.. മുഖത്തൊക്കെ അവൾ എന്തോ ലേപനം കൂടെ തേച്ചു. പ്രേതെകതരം സുഗന്ധമുള്ള ലേപനങ്ങളും അവന്റെ ദേഹത്ത് തൊടുവിച്ചു.