നിയോഗം Conclusion(മാലാഖയുടെ കാമുകൻ) 3003

“സ്വാഗതം..”

റെഡ് എയ്ഞ്ചൽ മുൻപോട്ട് വന്നു അവനെ സുഗന്ധമുള്ള ദ്രാവകം തളിച്ച് സ്വീകരിച്ചു.

അവൻ മെല്ലെ ചിരിച്ചു..

ഇതൊക്കെ കണ്ടപ്പോൾ അവന് തന്നെ ഒരു എന്തോപോലെ തോന്നിയിരുന്നു.. പക്ഷെ ആരെയും നിരാശർ ആക്കാൻ പാടില്ല..

“ബി സ്ട്രോങ്ങ് ഏട്ടാ..”

അർച്ചന മെല്ലെ അവന്റെ ചെവിയിൽ പറഞ്ഞു..

ഉടനെത്തന്നെ അവനെ അവർ ആനയിച്ചു കൊണ്ടുപോയി.. പാലസിലേക്ക്.. ഇതുവരെ കാണാത്ത ആളുകൾ അവന് വേണ്ടി ആർപ്പ് വിളിച്ചു.. രേവന്റെ ബ്രീഡുകളിൽ ഉള്ള പെണ്ണുങ്ങളെ അവൻ കണ്ടു.. ഒപ്പം ഇതുവരെ കാണാത്ത മനുഷ്യ രൂപത്തിലും അല്ലാതെയും കുറെയധികം ആളുകൾ..

അവൻ ഒരാൾക്ക് വേണ്ടി ചുറ്റും നോക്കി.. കണ്ടില്ല.. അവൻ അമ്മയെ നോക്കി.. അവൾ അവനോടു കണ്ണടച്ച് കാണിച്ചു.. പറയാം എന്ന അർത്ഥത്തിൽ..

എയ്‌ഞ്ചൽസിന്റെ ക്വീൻ ആയ മാലെഫിസെന്റ് മുൻപോട്ട് വന്നു..

“ഹെയിൽ റ്റു ദി കിംഗ്.. ദി വേൾഡ് ബിലോ..”

അവൾ വിളിച്ചു പറഞ്ഞപ്പോൾ എല്ലാവരും ഉറക്കെ വിളിച്ചു..

“ഹെയിൽ റ്റു ദി കിംഗ്..”

ക്വീൻ ഓഫ് ഓൾ ക്വീൻ ഇഗ്ഗിയാത്തിനായും ലൈമേത്രിയും വണ്ടർലാൻഡിലെ, ഫ്ലവർ ലാൻഡിലെ, ഡാർക്ക് വേൾഡിലെ മുതൽ അവൻ ഇതുവരെ കാണാത്ത ആളുകൾ വരെ മുൻപിൽ നിന്നിരുന്നു..

ക്വീൻ ഓഫ് ഓൾ ക്വീൻ മുൻപോട്ട് വന്നു.

“ഇത്.. മേയ്‌വൂൺ ക്വീനിന്റെ മകൻ.. ഭൂമിയിൽ നിന്നും വന്ന് നിങ്ങളുടെ ഓരോരുത്തരുടെയും വിധി മാറ്റി എഴുതിയ ധീരൻ.. കിംഗ് ഓഫ് വേൾഡ് ബിലോ.. “

അവൾ ഉച്ചത്തിൽ പറഞ്ഞപ്പോൾ മുൻപിൽ ഒരു തീ ഗോളം തെളിഞ്ഞു വന്നു.

അതിൽ നിന്നും ഇറങ്ങിയ ആളുകളെ കണ്ടു എല്ലാവരും നിശബ്ദർ ആയി..

“ദി സെവൻ ഗോഡ്‍ഡെസ്…”

കാലുകൾ നിലത്തു തൊടാതെ വെളുത്ത ജ്വലിക്കുന്ന കണ്ണുകളുമായി ഏഴു ദേവതമാർ.. ഒഴുകി കിടക്കുന്ന വേഷം.. അവരെ കണ്ടപ്പോൾ ഏവരും വണങ്ങി..