നിയോഗം Conclusion(മാലാഖയുടെ കാമുകൻ) 3023

റോഷൻ മെല്ലെ നടന്ന് അവളുടെ മുൻപിൽ ചെന്ന് നിന്നു..

അവൾ തല താഴ്ത്തി ഇരിക്കുകയായിരുന്നു.. വിങ്ങി കരയുന്നുണ്ട്..

“പറഞ്ഞതല്ലേ ഞാൻ…?”

അവൻ ഡിസ്ട്രോയെർ പൊക്കി.. അതൊരു വലിയ വാൾ ആയി വജ്ര ശോഭ ചിതറിച്ചു..

“ആആആആആ…..”

സർവ്വ ശക്തിയും കയ്യിലേക്ക് ആവാഹിച്ച റോഷൻ പ്രാന്തമായ വേഗതയിൽ വാൾ ആയി മാറിയ ഡിസ്ട്രോയെർ അവളുടെ കഴുത്ത് ലക്ഷ്യമാക്കി ആഞ്ഞു വെട്ടി..

ക്വീൻ എലാക്കേൽ തല പൊക്കി പോലും നോക്കാതെ ഇടത്തെ കൈ പൊക്കി..

അവളുടെ കയ്യും ഡിസ്ട്രോയെറും കൂട്ടി മുട്ടി തീപ്പൊരി ചിതറി തെറിച്ചു.. വലിയ ഒരു സ്ഫോടനം അവിടെ നടന്നു. അതിന്റെ പ്രകമ്പനത്തിൽ അവന്റെ കയ്യിൽ നിന്നും അത് തെറിച്ചു പോയി നിലത്തേക്ക് വീണു..

“വാട്ട്…? ഇതെങ്ങനെ..!!!”

പുറകിലേക്ക് വീണുപോയ റോഷൻ കൈകുത്തി കിടന്നുകൊണ്ട് എലാക്കേലിനെ നോക്കി..അവൾ വെറും കൈകൊണ്ടു ഡിസ്ട്രോയെർ തടഞ്ഞിരിക്കുന്നു..

അവൾ മെല്ലെ തല ഉയർത്തി.. പുഞ്ചിരി ആയിരുന്നു അവിടെ.. ശാന്തമായ.. എന്നാൽ എല്ലാവരെയും എരിച്ചു കളയാനുള്ള പുഞ്ചിരി.. അവളുടെ കൈകളിൽ നിറയെ ചങ്ങല ചുറ്റ് വന്നത് റോഷൻ കണ്ടു. മീനാക്ഷിയുടെ കഴുത്തിൽ ഉണ്ടായിരുന്നു അതുപോലെ ഒരെണ്ണം..

അതെ സമയം..

എയ്ഞ്ചൽ പ്ലാനെറ്റിൽ റെഡ് എയ്ഞ്ചൽ സിംഹാസനത്തിൽ നിന്നും ചാടി എഴുന്നേറ്റു… മുൻപിൽ നിന്നിരുന്ന ഏയ്ഞ്ചൽസ് പരിഭ്രമത്തോടെ അവളെ നോക്കി..

“ക്വീൻ എലാക്കേൽ… അവൾ… അവൾ റോഷനെ കൊല്ലും.. അവനെ മാത്രം അല്ല.. എല്ലാവരെയും..എല്ലാവരെയും അവൾ കൊല്ലും…..അവൾ ഡിസ്ട്രോയർ തടുത്തു..”

ക്വീൻ പറഞ്ഞത് കേട്ട ഏയ്ഞ്ചൽസ് അവളെ നോക്കി പകച്ചു നിന്നു..

“അവൾക്ക് ശക്തികൾ വന്നിരിക്കുന്നു..”

റെഡ് എയ്ഞ്ചൽ സിംഹാസനത്തിലേക്ക് ഇരുന്നു.. ഈ വാർത്ത എല്ലാവരും കേട്ടിരുന്നു..

“അടുത്ത കുറച്ചു നിമിഷങ്ങൾ കൂടെ റോഷനും വയലിനും അവളോട് എതിരിട്ട് നിൽക്കാൻ കഴിഞ്ഞാൽ മാത്രം.. റോഷന്റെ ബുദ്ധി വിജയിക്കും.. “

ക്വീൻ ഓഫ് ഓൾ ക്വീൻ പറഞ്ഞത് എല്ലാവരും കേട്ടു… അവർ ആകാംഷയോടെ ഇരുന്നു.. നല്ലൊരു വാർത്തക്ക് ആയി..