നിയോഗം Conclusion(മാലാഖയുടെ കാമുകൻ) 3023

റെപ്റ്റില്ല്യൻ പ്ലാനറ്റ്

സഭയുടെ നടുക്ക് രാജാവ് ഇരിക്കുന്നുണ്ടായിരുന്നു.. തന്ത്ര പൂർവം അയാൾ രാജാവിന്റെ സ്ഥാനത്തു കയറി ക്വീൻ ആകേണ്ട അറോറയെ കൊല്ലാൻ ഏർപ്പാടുകൾ ചെയ്തിരുന്നു..

“സ്ഥാനോഹരണം കഴിഞ്ഞു എങ്കിലും കിംഗ് ഓഫ് വേൾഡ് ബിലോ ഇനി ഇവിടെ വരില്ല.. ഇനി വന്നാലും അതിന് മുൻപേ അറോറയെ കൊന്നിരിക്കണം..
അതാകുമ്പോൾ വേറെ മാർഗം ഇല്ലാതെ നമ്മൾ തന്നെ ഭരിച്ചോട്ടെ എന്ന് തീരുമാനം ആകും.. കൂടാതെ ഇനി ഇവിടെ ഉള്ള കാര്യങ്ങളിൽ ആരും ഇടപെടരുത് എന്ന് കൽപ്പന കൊടുത്തിട്ടുണ്ട്..
ഉടനെ എന്റെ സ്ഥാനോഹരണം നടത്തണം..”

അയാൾ പുച്ഛത്തോടെ പറഞ്ഞു നിർത്തി.. അയാളെ അനുസരിക്കുന്ന ആളുകൾ എല്ലാം അവിടെ ഓരോ സ്ഥാനങ്ങളിൽ ഉണ്ടായിരുന്നു.

ജനങ്ങൾ ഇപ്പോഴും അടിമകളെ പോലെ ആണ്.. ലൈകയെ അവർ തടവിൽ ആക്കിയിരുന്നു.

“ഇനി കന്യകമാരായ പെൺകുട്ടികളെ പിടിച്ചു കൊണ്ടുവരണം.. ഇനിയാണ് എന്റെ ഭരണം ഇവിടെ തുടങ്ങുന്നത്..”

അയാൾ ചിരിയോടെ പറഞ്ഞത് ബാക്കി ഉള്ളവർ ആർപ്പു വിളിച്ചു ഏറ്റെടുത്തു..

ഒരാൾ ബന്ധനത്തിൽ ആക്കിയ നിലയിൽ ലൈകയെ അവിടേക്ക് വലിച്ചു കൊണ്ടുവന്നു അയാളുടെ കാൽച്ചുവട്ടിൽ ഇട്ടു.. റെപ്റ്റില്ല്യൻ കിംഗ് എങ്ങനെ ആണോ ചെയ്തിരുന്നത് അത് തന്നെയാണ് അയാളുടെ രീതിയും.

അയാൾ അവളുടെ മുടിയിൽ പിടിച്ചു വലിച്ചു പൊക്കി.. അവൾ അലറി കരഞ്ഞു.. കുറെ ദിവസത്തെ ജയിൽവാസം അവളെ തളർത്തിയിരുന്നു.

“പറ.. അവൾ എവിടെ ഉണ്ട്..”

അയാൾ അവളുടെ മുഖത്ത് ആഞ്ഞു അടിച്ചു.. വീണുപോയ അവളെ വലിച്ചു പൊക്കി എടുത്ത ശേഷം അയാൾ വീണ്ടും ചോദിച്ചു..

“പറ…?”

“ഇല്ല.. ചത്താലും പറയില്ല…”

അവൾ മുരണ്ടു.. ദേഷ്യം വന്ന അയാൾ അവളെ തള്ളി മുൻപിലേക്ക് ഇട്ടു..

“ഇവളുടെ തല വെട്ടി കൊട്ടാരത്തിന്റെ മുൻപിൽ തൂക്കി ഇടുക…കാണട്ടെ അവൾ.. രാജകുമാരി.. “

അയാൾ അത് പറഞ്ഞു തിരിഞ്ഞ ശേഷം മദ്യം എടുത്തു കുടിച്ചു.. പുറകിൽ നിന്നും ഒരു അനക്കവും ഇല്ലാത്തത് കൊണ്ട് അയാൾ തിരിഞ്ഞു നോക്കി..

ലൈക എഴുന്നേറ്റ് നിൽക്കുന്നു.. അയാളുടെ പടയാളികൾ പേടിച്ചു അരണ്ടു നിൽക്കുന്നു.. അയാൾ നോക്കി…