King Soul Eater 1 [Illusion Witch] 443

” നിങ്ങൾക്ക് Fantasia ലേക്ക് സ്വാഗതം ” പെട്ടന്ന് മധുരമാർന്ന ഒരു ശബ്ദം മുഴങ്ങി. എന്റെ ചെവിയിൽ കൂടി ഒരു കുളിർ കാറ്റ് കടന്ന് പോയത് പോലെ ആണ് എനിക്ക് തോന്നിയത്. ഞാൻ ഞെട്ടി അങ്ങോട്ട് നോക്കി. റാണി, അവരുടെ ശബ്ദം ആണ്. ഇത്ര മനോഹരമായ ശബ്ദം ഞാൻ ഇതേവരെ കേട്ടിട്ടില്ല. ഞാൻ അവരെ ഒന്ന് കൂടി ശ്രദ്ധിച്ചു, അവരുടെ സൗന്ദര്യം ഞാൻ അപ്പോഴാണ് ശരിക്കും തിരിച്ചറിഞ്ഞത്, അതി മനോഹരമായ പച്ച കണ്ണുകൾ, സിൽക്ക് പോലെ സ്മൂത്ത്‌ ആയ മുടി, ഒരു വെണ്ണ കല്ല് പോലെ വെളുത്ത തിളക്കമാർന്ന സ്കിൻ, പൂ പോലെ വിടർന്ന ചുണ്ടുകൾ.  ഒരുനിമിഷം എല്ലാം മറന്ന് ഞാൻ അവരെ തന്നെ നോക്കി നിന്ന് പോയി. ദൈവിക സൗന്ദര്യം, അല്ല ഒരു തരം devilish beauty, devils ന്റെ സ്വന്തമായ ആരെയും കൊതിപ്പിക്കുന്ന വശ്യത അവരുടെ ശരീരത്തിന് ഉണ്ട്. ഞാൻ കണ്ണിമ ചിമ്മാതെ ശ്വസിക്കാൻ പോലും മറന്ന് അവരെ തന്നെ നോക്കി നിന്ന് പോയി.

‘ Awwww ‘ പെട്ടന്ന് എന്റെ വലത് വശത്ത് വയറ്റിലും ഇടത്തെ കൈ തണ്ടയിലും വല്ലാത്ത വേദന തോന്നി, ഞാൻ ഒച്ച വെച്ചു. അപ്പോഴാണ് അവരുടെ സൗന്ദര്യത്തിൽ മയങ്ങി നിന്നിരുന്ന എനിക്ക് സ്ഥലകാലബോധം വന്നത്. ഞാൻ ഞെട്ടി നോക്കി. അന്നേരം എന്റെ ഇടത്തും വലത്തും മായി നിന്നിരുന്ന രണ്ട് പേരെ ഞാൻ കണ്ടു. അപ്പുവും കാർത്തികയും. അവർ പിച്ചിയതിന്റെ വേദനയിൽ ആണ് ഞാൻ ഉണർന്നത്. അപ്പുവിൽ ഇത്തിരി കുശുമ്പും കുസൃതിയും കലർന്ന ചിരി ആയിരുന്നു എങ്കിൽ കാർത്തിക കലിപ്പിൽ ആണ് കണ്ണൊക്കെ ഉരുട്ടി എന്നെ നോക്കി പേടിപ്പിക്കുകയാണ്.

ഞാൻ ചമ്മി ചുറ്റും നോക്കി ഞാൻ മാത്രം അല്ല ബാക്കി ആൺപിള്ളേരുടെ അവസ്ഥയും വത്യസ്തം അല്ലാ. എല്ലാരും വായും പിളർന്ന് അവരെ തന്നെ നോക്കി നിൽക്കുകയാണ്. ഇത് ഒരു anime ആയിരുന്നേൽ എല്ലാത്തിന്റെയും കണ്ണ് love ചിഹ്നം ആയേനേ മൂക്കിൽ നിന്ന് ചോരയും വന്നേനെ. എന്തിന് വരുണിന്റേം സാന്ദ്രയുടേം അവസ്ഥ വേറെ അല്ല…. വെയിറ്റ്… സാന്ദ്ര??  എന്റെ മനസ്സിലേക്ക് കുറെ കാൽകുലേഷൻസ് പക്ഷെ വന്നത് ഒക്കെ ഞാൻ അപ്പൊ തന്നെ മായിച്ചു കളഞ്ഞു.