😈അസുരൻ 7 (The beginning )😈 [ Vishnu ] 468

---

ഗോവിന്ദ് തിരിച്ചു ഫ്‌ളാറ്റിലേക്ക് നടക്കുകയായിരുന്നു….അവന്റെ മനസ്സു ആകെ കലങ്ങി ഇരിക്കുകയായിരുന്നു….

ഗൗരി..അവൾക്ക് അറിയാം താൻ ആരാണെന്ന്… അവളോട് അടുത്താൽ മാത്രമേ എന്തെങ്കിലും ചെയ്യാൻ കഴിയു….അതും ആലോചിച്ചു നടക്കുമ്പോഴാണ് അവന്റെ പുറകിൽ വന്ന ഒരു കാർ നിർത്താതെ ഹോണ് അടിക്കുന്നത് അവൻ ശ്രെദ്ധിച്ചത്…

നോക്കിയപ്പോഴാണ് അതു രാഗേന്ദു ചേച്ചിയുടെ ഭർത്താവായ രാജീവേട്ടൻ ആണെന്ന് അവനു മനസ്സിലായത്…ഗോവിന്ദ് ആ വണ്ടിയുടെ അടുത്തേക്ക് നടന്നു…അവൻ എത്തിയതും ആ കാറിന്റെ ചില്ലു തുറന്നു….

……ഫ്ലാറ്റിലേക്കല്ലേ…കയറു..

രാജീവൻ വാതിൽ തുറന്നു…ഗോവിന്ദ് അവനെ അനുസരിച്ചു വണ്ടിയിൽ കയറി….

……ഇതെന്താ രാത്രി കറക്കം….

രാജിവന്റെ ചോദ്യത്തിന് ഒരു ചിരി മാത്രമേ ഗോവിന്ദിന് മറുപടിയായി നൽകാൻ കഴിഞ്ഞുള്ളു…..

….എടാ…നീ ഇങ്ങനെ കുടിക്കരുത്…നിന്നെ അതു നശിപ്പിക്കും….എടാ…പറയുന്നത് കേൾക്കൂ…പതിയെ കുടി നിർത്തൂ….അല്ലെങ്കി മോനെ…ഞാൻ പറയണോ….

രാജീവൻ പറഞ്ഞു….

……ചേട്ടാ….ശ്രമിക്കാം… അത്ര മാത്രമേ എനിക്ക് ആ കാര്യത്തിൽ പറയാൻ പറ്റു…..

എനിക്ക് കണ്ട്രോൾ ചെയ്യാൻ പറ്റുന്നില്ല… അതുകൊണ്ടാല്ലേ….

ഗോവിന്ദ് പറഞ്ഞു….

……എടാ…ഞാൻ പറയേണ്ടത് പറഞ്ഞു….ഇനി അതിന്റെ പേരിൽ ഒരു അടി വേണ്ട….

അതും പറഞ്ഞു രാജീവൻ അയാളുടെ ഐ 20 അയാളുടെ ഫ്‌ളാറ്റിലേക്ക് കയറ്റി….

വണ്ടിയിൽനിന്നും ഇറങ്ങുന്നതിനുമുന്പു രാജീവൻ ഗോവിന്ദിന് ഒരു ചുയിങ് ഗം കൊടുത്തു….

          6