? ദിയ – 3 ? [ ചെകുത്താനെ സ്നേഹിച്ച മാലാഖ ] 706

അന്നൊന്നും അതിന്റെ കാരണങ്ങൾ എനിക്ക് മനസ്സിലായില്ല . അമ്മയുടെ സ്വഭാവം പെട്ടെന്ന് എങ്ങനെ മാറി എന്ന് ഞാൻ പല വട്ടം ചിന്തിച്ചിട്ടുണ്ട് . പക്ഷെ ആ ചോദ്യം ഉത്തരം കിട്ടാത്ത ഒന്നായി എന്നിൽ തന്നെ അവശേഷിച്ചു .

കുറച്ച് മാസങ്ങൾക്ക് മുൻപ് , ഞാൻ കോളേജിൽ പഠിക്കുന്ന സമയം . അപ്പോഴാണ് ഞാൻ ആ വലിയ സത്യം അറിഞ്ഞത് എന്റെ അച്ഛനും അമ്മയ്ക്കും ഉണ്ടായത് വെറുമൊരു ആക്സിഡന്റല്ല , പകരം കരുതി കൂട്ടി ആസൂത്രിതമായി നടപ്പിലാക്കിയ രണ്ട് കൊലപാതകങ്ങളാണ് അവ എന്ന് .

എന്റെ ഫോണിലേയ്ക്ക് വന്ന ഒരു കോൾ , വിളിച്ചയാൾ ആരാണെന്നോ എവിടെന്നാണന്നോ എന്നോട് പറഞ്ഞില്ല പക്ഷെ എന്റെ ജീവിതത്തിൽ നടന്ന പല സത്യങ്ങളും അയാൾ പറഞ്ഞു , അച്ഛന്റെയും അമ്മയുടെയും മരണം ഉൾപ്പെടെ .

എന്റെ അച്ഛന്റെ സ്വത്ത് തട്ടിയെടുക്കാൻ വേണ്ടി അച്ഛന്റെ സുഹൃത്തും പാട്ണറുമായ മഹേന്ദ്രനാഥും അയാളുടെ കാമുകിയായ അയാളുടെ തന്നെ പേഴ്സണൽ സ്റ്റാഫായിരുന്ന ജയലക്ഷ്മിയും ചേർന്ന് പ്ലാൻ ചെയ്ത് നടത്തിയ ഒരു ബിഗ് ഗെയിം .

ആദ്യം എന്റെ അമ്മയെ ആക്സിഡന്റ് എന്ന വ്യാജേന കൊലപ്പെടുത്തുന്നു , ശേഷം മഹേന്ദ്രനാഥ് നിർബന്ധിച്ച് എന്റെ അച്ഛനെ കൊണ്ട് അയാളുടെ കാമുകിയായ ജയലക്ഷ്മിയെ വിവാഹം കഴിപ്പിക്കുന്നു …. അതിന് ശേഷം അച്ഛനെയും ആക്സിഡന്റ് എന്ന വ്യാജേന കൊലപ്പെടുത്തുന്നു . ശേഷം ജയലക്ഷ്മി മഹേന്ദ്രനാഥിനെ വിവാഹം കഴിക്കുന്നു .
പതിയെ എന്നെ കൂടി കൊലപ്പെടുത്തിയാൽ സ്വത്ത് മുഴുവൻ അവരുടെ കയ്യിൽ എത്തും അതായിരുന്നു അവരുടെ പ്ലാൻ ….